बर्दघाटः नवलपरासीको बर्दघाट–४, मा जिप दुर्घटना हुँदा चार जनाको मृत्यु भएको छ। दुर्घटनामा अन्य सात जना घाइते भएका छन्।
पूर्वपश्चिम राजमार्ग अन्तर्गत बर्दघाट–४ मा मंगलबार दिउँसो ब्रेक फेल भएर ना १ ज १३१७ नम्बरको जिप दुर्घटना हुँदा तीनजनाको घटनास्थलमै र एकजनाको उपचारका क्रममा मृत्यु भएको जिल्ला प्रहरी कार्यालय नवलपरासीले जनाएको छ।
मृत्यु हुनेमा नवलपरासी सुक्रौली–८ का २८ वर्षीय जिप चालक सुधाकर पाण्डे र भारत धर्मपुरका सिन्टु साहनी रहेको प्रहरीले जनाएको छ। मृतक चारजना मध्ये दुईजना महिलाको भने सनाखत हुन नसकेको प्रहरीले जनाएको छ।
दुर्घटनामा घाइते भएका सात जनाको अवस्था खतरामुक्त रहेको र उनीहरुको दाउन्नेदेबी पोलिक्लिनिकमा उपचार भइरहेको छ। मृतकको शब पोष्टमार्टमका लागि जिल्ला अस्पताल परासीमा राखिएको प्रहरीले जनाएको छ।
प्रतिक्रिया दिनुहोस !
