निधिले भारतीय राष्ट्रपति र प्रधानमन्त्री भेट्ने
बिहीबारदेखि भारत भ्रमणमा रहने उपप्रधान तथा गृहमन्त्री विमलेन्द्र निधिले भारतीय राष्ट्रपति प्रणव मुखर्जी, प्रधानमन्त्री नरेन्द्र मोदी र विदेशमन्त्री सुष्मा स्वराजसँग भेट्ने तय भएको छ ।
कूटनीतिक स्रोतका अनुसार निधिले शुक्रबार भारतीय राष्ट्रपति मुखर्जीलाई भेटी नेपाल भ्रमणको निमन्त्रणापत्र हस्तान्तरण गर्नेछन् । नेपालमा नयाँ संविधान जारी भएको वार्षिकी समारोह अर्थात् असोज ३ गतेको अवसर पारेर भारतीय राष्ट्रपतिलाई नेपाल भ्रमण गराउने पक्षमा सरकार छ ।
यद्यपि भारतीय पक्षले त्यसबारे सकारात्मक जबाफ दिइसकेको छैन । निधिले शनिबार भारतीय प्रधानमन्त्री मोदी र विदेशमन्त्री स्वराजसँग अलगअलग भेट गर्नेछन् । निधिले प्रधानमन्त्री दाहालको भारत भ्रमणको सम्भावित मिति र एजेन्डाबारे भारतीय पक्षसँग छलफल गर्ने भएका छन् ।
मन्त्री निधि भारत भ्रमण सकेर आइतबार स्वदेश फर्किनेछन् । काठमाडौंस्थित भारतीय राजदूत रञ्जित रेले मन्त्री निधिलाई मंगलबार मन्त्रालयमा भेटी भ्रमणबारे छलफल गरेको गृह प्रवक्ता कोइरालाले बताए ।
प्रतिक्रिया दिनुहोस !
