विर्तामोडमा आगलागी, १० पसल जले
विर्तामोडः झापा बिर्तामोडको कृषि थोक बजारमा गएराति आगलागी हुँदा १० वटा पसल जलेर नस्ट भएका छन् । आगलागीबाट तयारी कपडा पसल, जुत्ता चप्पलका पसल, कस्मेटिक लगायतका पसलमा भएका सम्पूर्ण सामाग्री जलेर नष्ट भएका छन् ।
राति करिब १२ बजेको सममा विद्युतसर्ट भई आगलागी भएको हुन सक्ने अनुमान स्थानीयबासीले गरेका छन् । विहान साढे चार बजे आगलागी भएको थाहा पाएपछि स्थानीयबासीले आगो निभाउन थालेका थिए ।
आगलागी हुँदा घनश्याम अधिकारी, मोहम्द अली हुसैन लगायतका १० वटा पसल जलेर नष्ट भएका छन् । आगलागीको खवर पाउने बितिक्कै बिर्तामोड, मेचीनगर, भद्रपुर, दमक नगरपालिकाबाट आएका दमकलले आगलागी नियन्त्रणमा लिएका थिए । क्षतिको यकिन बिवरण भने आइसकेको छैन ।