मन्त्री निधि आज भारत जाँदै
काठमाडौंःउपप्रधान तथा गृहमन्त्री विमलेन्द्र निधि चारदिने भारत भ्रमणमा बिहीबार भारत जाँदैछन् । निधिले भारतमा रहँदा राष्ट्रपति प्रणव मुखर्जी, प्रधानमन्त्री नरेन्द्र मोदी, गृहमन्त्री राजनाथ सिंह र विदेशमन्त्री सुष्मा स्वराजसँग भेट्ने परराष्ट्र मन्त्रालयले जनाएको छ ।
निधिको भारत भ्रमणपछि प्रधानमन्त्री पुष्पकमल दाहालको भारत भ्रमणको मिति तय हुने भारतीय राजदूत रेले बताए । ‘नेपालका राष्ट्रपति भारत जाने र हाम्रा राष्ट्रपति नेपाल आउने विषयमा समेत भ्रमणमा कुराकानी हुनेछ’, उनले भने । भारतीय राष्ट्रपति प्रणव मुखर्जीलाई नयाँ संविधान जारी भएको वार्षिकोत्सव अर्थात् असोज ३ का अवसरमा नेपाल भ्रमण गराउने पक्षमा नेपाल सरकार देखिएको छ ।
प्रतिक्रिया दिनुहोस !
