सिरहामा भएको छुट्टाछुट्टै दुर्घटनामा दुईको मृत्यु
सिरहाः सिरहाको छुट्टाछुट्टै ठाउँमा भएको सवारी दुर्घटनामा विहिवार विहान दुई जनाको ज्यान गएको छ । दुर्घटनामा गोलबजार नगरपालिका सातका ७० वर्षका चौधरी महतो र लहानका २२ वर्षका संजिव कुमार महतो रहेका छन् । दुर्घटनामा पाँच जना घाइते भएका छन् । उनीहरु सवैको स्थानीय स्वास्थ्य केन्द्रहरुमा उपचार भईरहेको छ ।
पूर्वपश्चिम लोकमार्ग अन्तर्गत गोलबजार नगरपालिका सातमा पूर्वबाट पश्चिमतर्फ गईरहेको नम्वर नखुलेको सेतो बोलेरोले सोही तर्फ गईरहेको स ६ प ५२७ नम्वरको मोटरसाईकललाई ठक्करदिंदा मोटरसाकलमा सवार ७० वर्षका चौधरी महतोको ज्यान गएको हो ।
त्यसैगरी धनगढीमाई नपा–७ गागन खोला नजिक पश्चिमबाट पूर्वतर्फ गईरहेको स. २ प ५१२४ नम्वरको मोटरसाइलले सोही दिशातर्फ गईरहेको पैदल यात्रीलाई ठक्कर दिंदा लहानका संजिवको मृत्यु भएको इलाका प्रहरी कार्यालय गोलबजारले जानकारी दिएको छ ।
मोटरसाइकललाई ठक्करदिने भारतीय बोलेरो फरार रहेको प्रहरीले जानकारी दिएको छ । दुवै शव पोष्टमार्टमकोलागि लहानस्थित रामकुमार सारडा उमाप्रसाद मुरारका स्मारक अस्पतालमा लगिएको छ ।