रियो ओलम्पिक फुटबलको फाइनलमा जर्मनी र ब्राजिल भिड्ने
रियो दी जेनेरियोः रियो ओलम्पिक फुटबलमा स्वर्ण पदकका लागि जर्मनी र आयोजक ब्राजिल भिड्ने भएका छन्।
गएराति भएका खेलमा विजयी हुँदै जर्मनी र ब्राजिलले फाइनलमा भेट पक्का गरेका हुन्। फाइनलमा स्थान बनाउने क्रममा आयोजक राष्ट्र ब्राजिलले होन्डुरसलाई ६–० को फराकिलो गोल अन्तरले पराजित गर्यो।
जुन खेलमा बजिलियन टोलीका कप्तान नेइमारले सबैभन्दा छिटो गोल गर्ने खेलाडीसमेत बने। उनले १५ सेकेन्डमै गोल गर्दै नयाँ किर्तिमान कायम मात्र गरेनन्, ब्राजिललाई उपाधि नजिक पनि पुर्याए।
यस्तै अर्को सेमिफाइनल खेलमा जर्मनीले नाइजेरियालाई २–० गोल अन्तरले पराजित गर्दै उपाधिका लागि ब्राजिलसँगको भेट पक्का पर्यो। जर्मनीका लागि लुकास र पिटरसनले गोल गरेका थिए।
ब्राजिल र जर्मनीबीचको फाइनल खेल शनिवार रियो दी जेनेरियोस्थित मराकाना रंगशालामा हुनेछ।
प्रतिक्रिया दिनुहोस !
