सिरहामा छुट्टाछुट्टै दुर्घटना, दुईजनाको मृत्यु
सिरहाः सिरहामा भएका छुट्टाछुट्टै दुर्घटनामा परी दुईजनाको मृत्यु भएको छ। दुर्घटनामा अन्य पाँच जना घाइते भएका छन्।
मृत्यु हुनेमा गोलबजार–७ का ७० वर्षीय चौधरी महतो र लहानका २२ वर्षीय सञ्जीव कुमार महतो रहेका छन्।
पूर्वपश्चिम लोकमार्ग अन्तर्गत गोलबजार नपा–७ मा नम्वर नखुलेको सेतो बोलेरोले स ६ प ५२७ नम्वरको मोटरसाइकललाई बिहीवार ठक्कर दिँदा त्यसमा सवार ७० वर्षीय चौधरी महतोको ज्यान गएको हो।
त्यसैगरी धनगढीमाई नपा–७ गागन खोला नजिक पश्चिमबाट पूर्वतर्फ गइरहेको स २ प ५१२४ नम्वरको मोटरसाइलको ठक्करबाट लहानका सञ्जीवको मृत्यु भएको इलाका प्रहरी कार्यालय गोलबजारले जनाएको छ।
मोटरसाइकललाई ठक्कर दिने भारतीय बोलेरो फरार रहेको प्रहरीले जानकारी दिएको छ
प्रतिक्रिया दिनुहोस !
