यी हुन् ट्विटर टिप्स

ट्विटर अहिले लोकप्रिय सामाजिक सञ्जाल बनेको छ । राजनेता, सेलिब्रेटी र सामान्यजनसम्म यो लोकप्रिय छ । नेपालमा पनि ट्विटर लोकप्रिय छ । यहाँ त्यही लोकप्रिय ट्विटरका प्रयोगकर्तालाई उपयोगी हुने केही टिप्स छन्ः

 प्रोफाइल पिक्चर सुन्दर बनाउनुस्

-प्रोफाइलमा आफ्नै फोटो राख्नुस् जसले गर्दा तपाईंको व्यक्तिगत अकाउन्ट हो भन्ने ढुक्क बनाउँछ ।
-ब्याकग्राउन्ड इमेज पनि आफ्नै राख्दा राम्रो हुन्छ तर धेरै ठूलो नबनाउनुस् ।

थर्ड–पार्टी टुल्स प्रयोग गर्नुहोस्

थर्ड–पार्टी टुल्सहरूले तपाईंको ट्विटर अनुभव अझै रोचक र लाभदायक बनाउन सक्छन् । त्यसका लागि निम्न टुल्स प्रयोग गर्न सकिन्छ । जस्तै— ट्विट पिकको प्रयोगले ट्विटरमा फोटो अपलोड गर्न सहज हुन्छ ।

ट्विटर सर्चको प्रयोग गर्नुहोस् 

ट्विटर सर्चको प्रयोगले तपाईंलाई खोजेको फेला पार्न निकै सजिलो बनाइदिन्छ ।

फलोअर्स ट्विटरको संसार हो । तर, निम्नानुसार ध्यान दिनु उपयुक्त हुन्छः

-फलोअर्सलाई व्यस्त राख्नुस् ।
-भएजतिका सबैलाई फलो नगर्नुहोस्, कसैेले पनि हजारजनालाई फलो गरेको तर दसजना मात्रै फलोअर्स भएकालाई फलो गर्न चाहन्न ।
-रोचक पोस्ट रिट्विट गर्नुहोस् ।
-बहसहरूमा भाग लिनुहोस् ।
-नबिर्सनुहोस्, कसैलाई पनि हरेक ट्विट पढ्न सम्भव हुँदैन ।

आवश्यक र रोचक ट्विट तयार गर्नुहोस्

-सकेसम्म सबै ट्विट रोचक र जानकारीमूलक बनाउने प्रयास गर्नुहोस् ।
-यस्तो गर्दैछु, उस्तो गर्दैछु भनेर ट्विट नगर्नुहोस् ।
-ट्विटहरूमा ह्यासट्याग गर्नुहोस् ताकि अरूले सजिलै फेला पारून् ।
-प्रशस्त ट्विट गर्नुहोस्, बल्ल तपाईंको उपस्थिति देखिन्छ ।
-गाली गर्ने नगर्नुहोस्, सम्बन्ध बिग्रन्छ ।

ट्विटरको भाषा सिक्नुहोस् । जस्तै— डाइरेक्ट म्यासेजलाई डीएम, रिट्विटलाई आरटी, ट्रेन्डिङ ट्विट आदि ।

ट्विटरका हस्तीहरूलाई फलो गर्नुहोस् ।

सामाजिक अभियन्ता, विशेषज्ञ, सरकारी व्यक्तित्व, पत्रकार, सेलिब्रेटी आदिलाई फलो गर्दा ज्ञान, जानकारी र सूचना पाउन सकिन्छ ।

लिस्ट बनाउनुहोस् र उपयोग गर्नुहोस्

लिस्ट बनाउँदा तपाईंले फलो गरेका व्यक्तिलाई पनि फिल्टर गर्न सजिलो हुन्छ ।

मोबाइलमा प्रयोग गर्नुहोस्

मोबाइलमा ट्विटर एप्स प्रयोग गर्दा ट्विटरमा सक्रिय हुन सजिलो हुन्छ ।

विज्ञापन

ट्विटर पेजमा विज्ञापन पनि गर्न सक्नुहुन्छ, नबिर्सनुहोस् । साथै सामाजिक गतिविधिका लागि पनि ट्विटर निकै उपयोगी हुनसक्छ ।
(एजेन्सीको सहयोगमा)