मैदाबाट बनेका अधिकांश खाद्य पदार्थ हामीले दैनिक खाइरहेका हुन्छौं । अधिकांश खाद्य पदार्थ डीप फ्राई गरेर तयार पारिएको हुन्छ । यसरी तयार पारिएका खाद्यान्न बढी खाएमा स्वास्थ्यका लागि बढी हानिकारक हुन्छ ।
गहुँलाई मसिनो मैदा बनाउन धेरै पटक पिस्ने गरिन्छ । यसरी पिस्दा राम्रो मैदा हुने भएपनि त्यहाँ भएको सम्पूर्ण पोषक तत्व नष्ट हुन्छ भने त्यसमा रहेको फाइबर पनि नष्ट हुन्छ ।
फाइबरको अभावमा मैदाबाट बनेका परिकार पेटका लागि हानिकार सावित हुन्छन् । यसका साथै मैदालाई ब्लीच गर्नका लागि बेन्जोइल पेराक्साइडको प्रयोग गरिन्छ । यो रसायनको बढी प्रयोग भएमा मानिसलाई क्यान्सरको पनि समस्या हुन सक्छ । त्यसैले स्वास्थ्यलाई राम्रो बनाउन बढी मैदाबाट बनेका परिकार खानु हानिकारक छ ।
मैदाबाट बनेका परिकार बढी खाएका यस्ता समस्या आउन सक्छन्–
मोटोपन बढाउँछ ।
कब्जियतको समस्या बढ्छ ।
मैदामा भएको ग्लूटनले फूड एलर्जी हुने खतरा बढाउँछ ।
हाड तथा जोर्नी कमजोर हुन्छ ।
रोग प्रतिरोधी क्षमता कमजोर बनाउँछ ।
मधुमेह रोगको खतरा बढ्छ ।
प्रतिक्रिया दिनुहोस !
