नवलपरासीमा कार र मोटरसाइकल ठोक्किँदा दुईजनाको मृत्यु
नवलपरासीः नवलपरासीमा कार र मोटरसाइकल एकआपसमा ठोक्किँदा दुईजनाको घटनास्थलमै मृत्यु भएको छ।
पूर्वपश्चिम राजमार्ग अन्तर्गत नवलपरासीको अरुणखोलामा शुक्रवार बिहान कार र मोटरसाइकल ठोक्किँदा मोटरसाइकलमा सवार दुईजनाको घटनास्थलमै मृत्यु भएको हो।
दुर्घटनामा परी नवलपरासी बर्दघाट–३ का ३५ वर्षीय दीपेन्द्र चौधरी र पञ्चराम कुमालको घटनास्थलमै मृत्यु भएकोे प्रहरीले जनाएको छ।
बुटवलतर्फ आउँदै गरेको बा १२ च ३९६७ नम्बरको कार र विपरीत दिशाबाट आउँदै गरेको ना १५ प ६५९३ नम्बरको मोटरसाइकल एकआपसमा ठोक्किएका थिए। ठक्कर दिने कारलाई प्रहरीले आफ्नो नियन्त्रणमा लिएको छ।