आफ्नै आमालाई मारेर खाडलमा पुरेपछि...
जाजरकोटः जाजरकोटको सक्ला एक लैखममा एक वृद्धाको हत्या भएको छ । स्थानीय बुद्धिबहादुर खत्रीले आफ्नै ६५ वर्षकी आमा देउमतीको हत्या गरी खाडलमा परेको पाइएको जिल्ला प्रहरी कार्यालय जाजरकोटले जनाएको छ ।
बुद्धीले साउन २२ गते देखि आफनी आमा हराएको भन्दै हुलियासहित प्रहरीमा निवेदन दिएका थिए । वृद्धा देउमतीको खोजीमा रहेको प्रहरीले बुद्धिको व्यवहार शंकास्पद लागेपछि निगरानीमा राखेको थियो ।
सासुको नाममा रहेको घरजग्गा आफ्ना नाममा गराउन बुद्धीकी श्रीमती शर्मिला खत्रीले बारम्बार श्रीमानलाई दबाब दिदै आएकी थिईन् । तर, सम्पत्ति शर्मिलाको नाममा गराउन आमा देउमती राजी नभएपछि आमालाई नै मार्नुपर्ने निश्कर्षमा पुगेको बुद्धीले प्रहरी समक्ष प्रारम्भिक बयान दिएका छन् ।
हाल बुद्धि र उनकी श्रीमती शर्मिला दुबै प्रहरीको नियन्त्रणमा रहेका छन् । शनिबार बिहानै सदरमुकामबाट प्रहरी निरिक्षक सुवास भट्टको नेतृत्वमा गएको टोलीले खाडल उत्खनन गर्ने निमित्त प्रहरी प्रमुख हिक्मत बोहराले जानकारी दिएका छन् ।