मड्रिडः लुइस स्वारेजको ह्याट्रिकको मदतमा बार्सिलोनाले स्पेनिस ला लिगा फुटबलमा विजयी सुरुवात गरेको छ। ला लिगाको पहिलो खेलमा बार्सिलोनाले रियल बेटिसलाई ६–२ को गोलअन्तरले पराजित गर्यो।
खेलको छैठौं मिनेटमै टुरानले गोल गर्दै बार्सिलोनालाई सुरुवाती अग्रता दिलाए। तर, २७ औं मिनेटमा रियल बेटिसका लागि रुवेन क्यास्ट्रोले बराबरी गोल फर्काए।
खेलको ३७ औं मिनेटमा लियोनल मेसीले गोल गरेपछि बार्सिलोना फेरि २–१ को अग्रता लिन सफल भयो। खेलको ४२ औं मिनेटमा स्वारेजले गोल गरेपछि बार्सिलोना पहिलो हाफमै ३–१ को अग्रता लिन सफल भयो।
यस्तै खेलको ५७ औं मिनेटमा लियोनल मेसी र स्वारेज दुवैले व्यक्तिगत दोस्रो गोल गरेपछि बार्सिलोना ५–१ अग्रता लियो। यस्तै खेलको ८२ औं मिनेटमा गोल गर्दै स्वारेजले ह्याट्रिक पूरा गरे।
खेलको ८४ औं मिनेटमा रुवेनले रियल बेटिसका लागि दोस्रो गोल फर्काएपनि त्यो जितका लागि प्रयाप्त भएन।
प्रतिक्रिया दिनुहोस !
