पहिलो खेलमै लुइस स्वारेजको ह्याट्रिक
मड्रिडः बार्सिलोनाका स्टार खेलाडी लुइस स्वारेजले ला लिगाको पहिलो खेलमै ह्याट्रिक गरेका छन्।
बार्सिलोनाको घरेलु मैदान क्याम्प नाउँमा गएराति भएको खेलमा स्वारेजले रियल बेटिसविरुद्ध ह्याट्रिक गरेका हुन्।
रियल बेटिसविरुद्धको खेलमा लुइस स्वारेजले खेलको ४२ औं, ५७ औं र ८२ औं मिनेटमा ह्याट्रिक पूरा गरे। स्वारेजले ह्याट्रिक गरेको खेलमा बार्सिलोनाले रियल बेटिसलाई ६–२ गोलको फराकिलो अन्तरले पराजित गर्यो।
अघिल्लो सिजन ला लिगाको टप स्कोरर स्वारेजले यो सिजनको पहिलो खेलमै ह्याट्रिक गर्दै प्रभावशाली सुरुवात गरे।
अघिल्लो सिजन स्वारेजले ला लिगामा मात्रै ४० गोल गरेका थिए भने दोस्रो उच्च गोलकर्ता बनेका रियल मड्रिडका क्रिष्टियानो रोनाल्डोले ३६ गोल गरेका थिए।
प्रतिक्रिया दिनुहोस !
