पूर्वप्रधानमन्त्री ओली अन्तराष्ट्रिय सम्बन्ध तथा श्रम समितिको सदस्य

काठमाडौँ: व्यवस्थापिका संसदको आइतबारको बैठकले विभिन्न समितिमा रहने सांसदको नाम थप गर्ने प्रस्ताव अनुमोदन गरेको छ । संसदले अनुमोदन गरेको प्रस्ताव अनुसार पूर्वप्रधानमन्त्री एवम् एमाले अध्यक्ष केपी शर्मा ओलीले अन्तराष्ट्रिय सम्बन्ध तथा श्रम समिति रोजेका छन् । अन्तराष्ट्रिय समितिमा ओली सँगै भीमबहादुर रावलको नाम समेत अनुमोदन भएको छ ।

 त्यस्तै, आइतबारको बैठकले विभिन्न समितिमा रहने सांसद सदस्यको नाम थप गर्ने प्रस्तावलाई अनुमोदन गरेको छ । अर्थ समितिमा दामोर भण्डारी, नरदेवी पुन, दीपनारायण साहको नाम थपिएको छ भने विधान समितिमा कुन्तीकुमारी शाहीको नाम थपिएको छ ।

सँगै, शान्ता मानवीको विकास समिति, सत्यनारायण मण्डल वातावरण समिति, विष्णुप्रसाद पौडल लेखा समिति र रामकुमार सुब्बा राज्य व्यवस्था समितिमा बसेका छन् । सभामुखले राखेको प्रस्ताव संसद बैठकले अनुमोदन गरेको हो ।