कोमात्सुका तीन नयाँ एस्काभेटर नेपालमा
काठमाडौंः कोमात्सु हेभी इक्विप्मेन्टको आधिकारिक विक्रेता कन्टिनेन्टल ट्रेडिङ इन्टरप्राइजेजले नयाँ एस्काभेटर बजारमा ल्याएको छ ।
कम्पनीले पीसी २१०-८ एमओ, पीसी १३०–७ र पीसी ३००–७ मोडल तथा ताररहित अनुगमन प्रणाली ‘कोमट्रयाक्स’ सार्वजनिक गरेको हो । कम्पनीले निर्माण तथा युटिलिटी साइज्ड कोमात्सु मेसिनका लागि अत्याधुनिक स्याटेलाइट मोनिटरिङ प्रणालीसहितको कोमट्रयाक्स सार्वजनिक गरेको छ ।
कोमट्रयाक्सले मेसिन रहेको स्थान, कार्य अनुगमन, सुरक्षा तथा उपकरणको प्रदर्शनीका बारेमा कम्प्युटर र मोबाइलमा प्रत्यक्ष जानकारी प्रस्तुत गरी उपकरण व्यवस्थापन सहज बनाउने कम्पनीले पत्रकार सम्मेलन गरी जानकारी गराएको छ ।
तीनवटै उपकरणमा कोमट्रयाक्स प्रणाली रहेको कम्पनीले जनाएको छ । कम्पनीका अनुसार यी एस्काभेटर कम्पनीका पाचौं पुस्ताको पीसी सिरिज हुन् । पीसी २१०–८ एमएओ पीसी २०० सिरिजको परिस्कृत भर्जन हो ।
यसले अत्यधिक शक्ति उत्पन्न गर्नुका साथै उत्कृष्ट कार्य दक्षता प्रस्तुत गर्ने कम्पनीले जनाएको छ । पछिल्लो संस्करण पीसी २००–८ का तुलनामा परिस्कृत भर्जनले इन्धन खपतमा सात प्रतिशतले कमी ल्याउने कम्पनीको दाबी छ । यसमा ठूलो फ्युल फिल्टर साइजका साथै फ्युल इन्जेक्टरको सुरक्षाका लागि अतिरिक्त फ्युल फिल्टर पनि उपलब्ध छ ।
पीसी १३०-७कोमात्सुको लोकप्रिय ड्यास सेवेन भर्जनमा थपिएको नयाँ मोडल हो । साँघुरा क्षेत्रफल भएका स्थान, टनेल्सलगायत साना योजनामा कार्यका लागि यो उपकरण विशेष उपयोगी हुन्छ । सहरी क्षेत्र तथा इँटा उद्योगमा कार्यका लागि यो उपयुक्त हुने कम्पनीले जनाएको छ ।
पीसी ३००-७ चौंतीस टनको मेसिन हो । यो पत्थर उत्खनन, खानी तथा अन्य हेभी ड्युटी योजनाका लागि उपयोगी हुने कम्पनीले जनाएको छ ।
नेपालका प्रमुख निर्माण, खानी, सडक, सिमेन्ट उद्योग, इँटा उद्योग र घरजग्गा क्षेत्रमा कोमात्सुका उपकरण प्रयोग भइरहेका छन् । कोमात्सुका एस्काभेटर, डोजर, लोडर, मोटर ग्रेडर्स र ब्याकहो लोडर ठेकेदार तथा प्रयोगकर्ता माझ पहिलो रोजाइमा पर्ने कम्पनीले जनाएको छ ।
प्रतिक्रिया दिनुहोस !
