एमालेले तोक्यो सात प्रदेशका संयोजक र सहसंयोजक

काठमाडौंः नेकपा एमालेले नेताहरुको जिम्मेवारी बाँडफाँड गरेको छ। पार्टी कार्यालय धुम्बाराहीमा मंगलबार बसेको स्थायी समितिको बैठकले नेताको बाँडफाँड गर्दै सात प्रदेशको संयोजक र सहसंयोजक तोकेको हो। बैठकले सातै प्रदेशको संयोजक तोकेको एमाले सचिव एवम् प्रचार विभाग प्रमुख योगेश भट्टराईले जानकारी दिए ।

उनका अनुसार सचिव भीम आचार्यलाई प्रदेश नम्बर १ को संयोजकको जिम्मेवारी दिइएको छ भने केन्द्रीय सदस्य शेरधन राईलाई उक्त प्रदेशको उपसंयोजक तोकिएको छ।

यस्तै सत्यनाराण मण्डलले प्रदेश नम्बर २ को संयोजकको जिम्मेवारी पाएका छन् भने उपसंयोजकमा नागेन्द्र चौधरी रहेका छन्। प्रदेश नम्बर ३ को संयोजकको जिम्मेवारी उपाध्यक्षसमेत रहेकी अष्टलक्ष्मी शाक्यले पाइन् भने उपसंयोजकमा  काशिनाथ अधिकारी रहेका छन्।
यसैगरीऽ किरण गुरुङलाई प्रदेश नम्बर ४ को संयोजक तोकिएको छ भने सहसंयोजकमा गणेश तिम्सिना रहेका छन्। प्रदेश नम्बर ५ को संयोजक उपमहासचिव समेत रहेका विष्णु पौडेल छन् भने दलबहादुर रानाले सहसंयोजकको जिम्मेवारी पाएका छन्।

प्रदेश न्म्बर ६ को संयोजकको जिम्मेवारी उपाध्यक्ष युवराज ज्ञवालीलाई दिएको छ भने सहसंयोजकको जिम्मेवारी यमलाल कँडेलले पाएका छन्।

प्रदेश नम्बर ७ को संयोजकको जिम्मेवारी भने उपाध्यक्ष भीमबहादुर रावललाई दिएको छ। उक्त प्रदेशको सहसंयोजको जिम्मेवारी भने कर्ण थापालाई दिइएको छ।