काठमाडौंः पोर्चुगल तथा रियल मड्रिडका स्टार खेलाडी क्रिष्टियानो रोनाल्डो दोस्रो पटक युरोपको उत्कृष्ट फुटबलर घोषित भएका छन्।
मोनाकोमा गएराति आयोजित समारोहमा रोनाल्डोले दुई खेलाडीलाई पछि पार्दै युईएफए वेष्ट प्लेयर अफ युरोपको अवार्ड जितेका हुन्। अवार्ड जित्ने क्रममा रोनाल्डोले आफ्नै क्लब रियल मड्रिडकै टिममेट ग्यारेथ बेल र एथ्लेटिको मड्रिडका एन्टोनी ग्रिजम्यानलाई पछि पारे।
अवार्ड विजेता रोनाल्डोले रियल मड्रिडलाई गत सिजन च्याम्पियन्स लिग फुटबलको उपाधि दिलाएका थिए। उनकै निर्णायक गोलमा रियल मड्रिडले एथ्लेटिको मड्रिडलाई पराजित गर्दै च्याम्पियन्स लिगको उपाधि जितेको थियो।
रोनाल्डोकै कप्तानीमा पोर्चुगलले फ्रान्समा भएको युरो कप २०१६ फुटबलको उपाधि पहिलो पटक जितेको थियो।
प्रतिक्रिया दिनुहोस !
