डेलले ल्यायो ‘इन्सपोरन’ सिरिजका ल्यापटप

काठमाडौंः डेलले ‘इन्सपोरन’ सिरिजका दुई नयाँ ल्यापटप नेपाली बजारमा ल्याएको छ । डेलले आकर्षक डिजाइन र नयाँ प्रविधिका साथ इन्सपोरन १३५०००२ टु इन वान र इन्सपोरन १५५००० ल्यापटप बजारमा ल्याएको हो । विद्यार्थी, उद्यमी र किफायती मूल्यमा दैनिक कम्प्युटर प्रयोग गर्न चाहनेलाई लक्षित गरी यी ल्यापटप बजारमा ल्याइएको कम्पनीले जनाएको छ ।

उत्कृष्ट कार्यक्षमताका साथ निर्माण गरिएको ल्यापटप प्रोसेसरको आधारमा विभिन्न रेन्जमा उपलब्ध हुने कम्पनीले जनाएको छ । विभिन्न सुविधा रहेको ल्यापटप सिक्न र ज्ञान हासिल गर्न उपयुक्त हुनेछ ।

कम्पनीका लागि रेस्ट अफ एसिया प्यासिफिकका कन्ट्री म्यानेजर अहद हकले कम्पनीले नेपाली बजारम भिœयाएको इन्सपोरन डिभाइसमार्फत ग्राहकले जहाँ मनलाग्यो त्यहाँ गएर काम गर्नुका साथै मन परेको गेम खेल्न सक्ने बताए ।

उनका अनुसार यस ल्यापटपले ग्राहकको सोचलाई वास्तविकतामा परिवर्तन गर्न मद्दत गर्नेछ । ‘ग्राहकले हामीलाई पे्ररित गर्दै गए र हामीले समय सापेक्ष प्रविधिका साथ नवीनतम उत्पादन ग्राहकमाझ ल्याइरहेका छौं,’ उनले थपे । इन्सपोरन १३५०००२ टु इन वान आकर्षक डिजाइनको पातलो ल्यापटप हो ।

डेलले आकर्षक डिजाइन र नयाँ प्रविधिका साथ इन्सपोरन १३५०००२ टु इन वान र इन्सपोरन १५५००० ल्यापटप बजारमा ल्याएको हो । विद्यार्थी, उद्यमी र किफायती मूल्यमा कम्प्युटर प्रयोग गर्न चाहनेलाई लक्षित गरी यी ल्यापटप बजारमा ल्याइएको कम्पनीले जनाएको छ ।

विभिन्न सुविधा उपलब्ध रहेको यो ल्यापटपमा प्रयोगका लागि सहज र बोकेर हिँड्न पनि हलुंगो छ । ल्यापटपमा रहेको इन्फ्रारेड क्यामरा अप्सनले विन्डोज हेलो फेसियल पहिचानसँग काम गर्न भएकाले एक हेराइमा नै ल्यापटप खोल्न सकिन्छ ।

यसमा रहेको ब्याकलिट किबोर्ड अप्सनले अँध्यारो समयमा पनि काम गर्न सहज हुने कम्पनीले जनाएको छ । ल्यापटपमा प्रयोग गरिएको सोलिड स्टेट ड्राइभ (एसडीडी) प्रणालीले ल्यापटपलाई लामो समयसम्म टिक्न मद्दत गर्नुका साथै कुनै पनि कामको छिटो प्रतिक्रिया दिन्छ ।

१३ इन्चको फुल एचडी डिसप्ले रहेको यस ल्यापटपमा एलईडी ब्याकलिट टच स्क्रिन रहेको छ । १६ जीबी डीडीआर ४ मेमोरी रहेको यो ल्यापटप एकै पटकमा विभिन्न काम गर्नेका लागि उपयुक्त हुने कम्पनीले जनाएको छ ।

इन्सपोरन १५५००० ल्यापटप विभिन्न कलरमा आकर्षक डिजाइनका साथ बजारमा आएको छ । १५ इन्चको यो ल्यापटप नयाँ प्रोसेसरका साथ आएको छ, जसले कुनै पनि काम छिटो र सहज रूपमा सम्पन्न गर्न मद्दत गर्ने कम्पनीले जनाएको छ ।

यो ल्यापटप पारिवारिक प्रयोजनका साथै व्यक्तिगत प्रयोजनका लागि पनि उपयुक्त हुनेछ । कम्पनीका अनुसार यो ल्यापटपमा इन्फ्रारेड क्यामराका साथै फुल एचडी टच डिस्प्ले प्रयोग गरिएको छ ।

सुरक्षाका लागि ल्यापटपमा विन्डोज हेलो फेसियल अप्सनको प्रयोग गरिएको छ, जसको सहयोगले क्यामरामा हेरेर ल्यापटप खोल्न सकिन्छ । उत्कृष्ट पिक्चर क्वालिटीका साथ यसमा उत्कृष्ट साउन्ड सिस्टम छ । यो ल्यापटप बजारमा ग्रे, सेतो र कालो रङका साथ विभिन्न प्रोसेसरमा उपलब्ध हुने कम्पनीले जनाएको छ ।