बर्नलीमाथि चेल्सीको सानदार जित
काठमाडौंः बर्नलीलाई हराउँदै चेल्सीले प्रिमियर लिग फुटबलमा विजयी यात्रालाई कायमै राखेको छ।
गएराति भएको खेलमा बर्नलीलाई ३–० गोल अन्तरले पराजित गर्दै चेल्सीले लगातार तेस्रो जित हात पारेको हो।
चेल्सीका लागि खेलको ९ औं मिनेटमा हाजार्डले गोल गर्दै सुरुवाती अग्रता दिलाए। यस्तै खेलको ४१ औं मिनेटमा विलियनले गोल गरेपछि चेल्सी २–० को अग्रता लिन सफल भए।
पहिलो हाफमा २–० को अग्रता लिएको चेल्सीका लागि तेस्रो गोल भने भिक्टोर मोएसले गरे। उनले खेलको ८९ औं मिनेटमा गोल गरेका थिए।
जितपछि चेल्सीको तीन खेलबाट ९ अंकका साथ लिग तालिकाको शीर्ष स्थानमा उक्लिन सफल भएको छ। दोस्रो स्थानमा रहेको म्यानचेस्टर युनाइटेडको समान खेलबाट ९ अंक नै छ।
प्रतिक्रिया दिनुहोस !
