एथ्लेटिक क्लबमाथि बार्सिलोनाको कठिन जित
काठमाडौंः बार्सिलोनाले ला लिगा फुटबलमा लगातार दोस्रो जित हात पारेको छ।
गएराति भएको खेलमा बार्सिलोनाले एथ्लेटिक क्लबमाथि १–० को कठिन जित दर्ता गर्यो।
खेलको २१ औं मिनेटमा इभान राकेटिकले गरेको गोल नै निर्णायक बन्यो। बार्सिलोनाका लागि कप्तान लियोनल मेसीले गोल गर्ने थुप्रै मौका पाएपनि गोल गर्न भने सकेनन्।
ला लिगा फुटबलमा लगातार दोस्रो जित दर्ता गर्दै बार्सिलोना दुई खेलबाट ६ अंकका साथ तालिकाको दोस्रो स्थानमा उक्लिएको छ भने समान ६ अंक जोडेको लास पल्मस शीर्ष स्थानमा छ।
६ अंक नै जोडेको रियल मड्रिड गोल अन्तरका आधारमा तेस्रो स्थानमा छ।
प्रतिक्रिया दिनुहोस !
