म्याग्दीमा भिषण बाढी, बेनी–जोमसोम सडकखण्ड अवरुद्ध
म्याग्दीः म्याग्दीको बेगखोला आएको बाढीले बेनी–जोमसोम सडकखण्ड अवरुद्ध भएको छ । खहरे खोलामा अाएकाे बाढीले बेनी–जोमसोम सडक खण्डको बेलीब्रज बगाउँदा उक्त सडकखण्ड अवरुद्ध भएको हो ।
बेगखोला गाविस ६ मा पसेको बाढीले दर्जनबढी घर बगाएको छ भने बाढीमा परेर पूर्णप्रसाद सिञ्जाली बेपत्ता भएको जिल्ला प्रहरी कार्यालयका प्रहरी निरीक्षक लोकेन्द्र सिङ गुरुले जानकारी दिए ।
मध्यराती बाढी पसेपछि स्थानीयबासीले सुरक्षित स्थानमा गएर ज्यान जोगाएका छन् । बाढीले बस्तीलाई पूरै बगरमा परिणत गरेको छ । स्थानीयवासी र प्रहरीले जोखिममा परेका परिवार र सामान सुरक्षित स्थानमा राख्ने काम भइरहेको छ ।
प्रतिक्रिया दिनुहोस !
