जाजरकोटः विद्यालयबाट घर फर्कदै गर्दा एक किशोरीलाई बलात्कारको प्रयास गर्ने दुई जना किशोरलाई प्रहरीले पक्राउ गरेको छ।
युवतीका आफन्तको उजुरीका आधारमा दशेरा–८ बडावनका १८ वर्षीय भरत शाही र सोही ठाँउका चन्द्रबहादुर शाहीलाई पक्राउ गरिएको इलाका प्रहरी कार्यालय पाँचकाटियाले जनाएको छ।
ढिमे–१ एक दमदालास्थित एक विद्यालयमा अध्ययन गरेर फर्कने क्रममा पाँचकाटियाको जंगलमा भेरीमालिका नगरपालिका–२ तिमिलेकी एक १३ वर्षीया किशोरीलाई ति युवकले बलात्कारको प्रयास गरेका थिए।
युवती चिच्याएपछि ति युवकहरु तत्काल भागेका थिए। प्रहरीले ति दुवै किशोेरमाथि जर्वजस्ती करणी उद्योगमा मुद्दा दर्ता गराएको प्रहरी निरीक्षक सुवास भट्टले जानकारी दिए। उनीहरुलाई थुनामा राखेर थप अनुसन्धान थालिएको प्रहरी निरीक्षक भट्टले बताए।
प्रतिक्रिया दिनुहोस !
