तरुण दल अधिवेशन सर्यो
काठमाडौंः कांग्रेस सभापति शेरबहादुर देउवाले तरुण दल र महिला संघको उम्मेदवार चयनलगायतका विषयमा समन्वय गर्न वरिष्ठ नेता गोपालमान श्रेष्ठलाई जिम्मा दिएका छन् ।
मंगलबार देउवाले दुई दर्जन केन्द्रीय सदस्यको बैठक डाकेर तरुण दल र महिला संघको अधिवेशनमा पार्टीको तर्फबाट गर्नुपर्ने सबै समन्वय श्रेष्ठ मार्फत गर्न निर्देशन पनि गरेका छन् । श्रेष्ठले जिम्मेवारी पाए लगत्तै दुवै भातृ संस्थाको उम्मेदवार चयन, महाधिवेशन सफल बनाउने भूमिकालगायतको काम गर्नेछन् । देउवाले आफू पक्षीय नेताहरू खुमबहादुर खड्का, विमलेन्द्र निधि, बालकृष्ण खाँड, एनपी साउद्लगायतलाई बोलाएर श्रेष्ठलाई उक्त जिम्मेवारी दिएका हुन् ।
तयारी समितिमा रहेका चुनाव लड्न नपाउने
कांग्रेसका दुई भातृ संस्था तरुण दल र महिला संघमा महाधिवेशन तयारी समितिमा रहेका कुनै पनि व्यक्ति आगामी अधिवेशनमा उम्मेदबार हुन नपाउने भएका छन् ।
मंगलबार बिहान सभापति शेरबहादुर देउवा निवास बुढानिलकण्ठमा बसेको कांग्रेसको अनौपचारिक बैठकले यसअघिनै उम्मेदवार हुन नपाउने निर्णयलाई परिमार्जन नगर्ने निर्णय गरेको हो । सभापति देउवाले जो सुकै उम्मेदवार बन्न पाउने गरी खोल्ने मनस्थिति बनाएपछि नेता रामचन्द्र पौडेल पक्षले नमाने पछि नेविसंघमा जस्तै महिला र तरुण दलमा पनि वर्तमान कार्यसमितिमा रहेका उम्मेदवार हुन नपाउने भएका हुन् ।
पौडेलले भर्खरै सम्पन्न नेविसंघको अधिवेशनमा तयारी समितिमा रहेकालाई उम्मेदवार हुन नदिएकाले तरुण दल र महिला संघमा पनि सोही प्रावधान कार्यन्वयन गर्ने धारणा राखेका थिए । त्यसपछि तयारी समितिका महाधिवेशनमा उम्मेदवार बन्न नपाउने निर्णय भएको हो ।
प्रतिक्रिया दिनुहोस !
