गाडीको पत्तीले हिर्काएर हत्या
विर्तामोडः झापाको धुलाबारीमा गाडी पत्तीले हिर्काएर एकजना व्यक्तिको हत्या गरिएको छ । गएराति साढे ११ बजेतिर साविक चन्द्रगढी १ का नेत्र गिरीले नाम थर नखुलेका अन्दाजी ५० बर्षका एक पुरुषको हत्या गरेको जिल्ला प्रहरी कार्यालय झापाका प्रवक्ता डिएसपी हरिप्रसाद शर्माले जानकारी दिए ।
मारिने व्यक्तिले रक्सी पिएको अनुसन्धानबाट खुलेको डिएसपी शर्माले बताए । राति धुलाबारीको निन्दा पुल नजिक पूर्व पश्चिम राजमार्ग उत्तरपट्टिको एउटा निर्माणाधीन घरको दोस्रो तलामा लगेर गिरीले ति व्यक्तिको हत्या गरेको उनले जानकारी दिए ।
हत्या गरेका भनिएका व्यक्तिले रक्सी पिएका हत्या गरिएका व्यक्तिलाई लगेर सुताएको तर गिरीलाई ति व्यक्तिले गाली गरेका कारण आवेशमा आएर उनको हत्या गरेको गिरीले स्वीकार गरेको डिएसपी शर्माले जानकारी दिए ।
गिरीलाई इलाका प्रहरी कार्यालयको हिरासतमा राखी अनुसन्धान भइरहेको जानकारी डिएसपी शर्माले दिए ।
प्रतिक्रिया दिनुहोस !
