सेलेनालार्इ डिप्रेसन !
हलिउडकी चर्चित कलाकार सेलेना गोमेज पोहोर साल लुपुस नामक छालासम्बन्धी समस्याबाट ग्रस्त भइन् । गत वर्ष नै सम्पूर्ण उपचार गराए पनि औषधिको साइड इफेक्टका कारण उनी यति बेला तनावमा छिन् ।
छालाका लागि सेवन गरेको औषधिको साइड इफेक्टका कारण उनले चिन्तित रहने, डर लाग्ने समस्याबाट ग्रस्त भएको बताउँदै आएकी छन् । गत साता प्रसिद्ध 'पिपुल' म्यागेजिनलाई दिएको अन्तर्वार्तामा उनले आफूले एकदमै डिप्रेसन अनुभव हुने गरेको बताएकी थिइन् ।
कुनै कारणबिना पनि चिन्तित रहने, डर लागिरहने भएका कारण उनले सम्पूर्ण काम थाती राखेको बताएकी थिइन् । उनले रिभाइभल वल्र्ड टुरबाट पनि केही समयका लागि वि श्राम लिएको अन्तर्वार्ताका क्रममा बताएकी छन् ।
लुपुस नामको छालाको संक्रमणबाट गत वर्ष एकदमै समस्या परेको र यसैले धेरै समस्या निम्त्याएको उनले बताएकी हुन् । सेलेनाले भनेकी छन्, 'म आफैं यसलाई निको बनाउने प्रयासमा छु । मेरो स्वास्थ्य र खुसीका लागि म केन्द्रित भएर काम गर्छु । त्यसैले म सम्पूर्ण काम थाती राखेर आफूलाई दुरुस्त बनाउने प्रयासमा छु ।'
उनले आफ्नो शारीरिक तथा मानसिक अवस्था कस्तो छ, त्यसको ख्याल सबैले गर्नुपर्ने र लुकाएर राख्न नहुने बताएकी छन् ।
प्रतिक्रिया दिनुहोस !
