कपिलवस्तुः कपिलवस्तुमा ड्युटीमा खटिएका एक प्रहरी जवानको मृत्यु भएको छ।
कपिलवस्तुको बहादुरगन्जमा रहेको इलाका प्रहरी कार्यालयमा कार्यरत प्रहरी जवान निशान खनालको ड्युटीमा रहेका बेला मृत्यु भएको जिल्ला प्रहरी प्रमुख एसपी विष्णुकुमार केसीले जानकारी दिए।
ड्युटीमा रहेका बेला खटिएका प्रहरी जवान खनाल अचानक अस्वस्थ भएका थिए। प्रहरी जवान खनाल अचानक अस्वस्थ भएपछि उनलाई तत्काल बहादुरगन्जमा रहेको शिवराज अस्पतालमा उपचारका लागि भर्ना गरिएको थियो।
सामान्य उपचारपछि खनाललाई थप उपचारका लागि भैरहवा मेडिकल कलेज लैजाँदै गर्दा उनको बाटोमै मृत्यु भएको केसीले बताए। के कारणले खनालको मृत्यु भएको हो भन्ने कुरा खुल्न सकेको छैन।
प्रतिक्रिया दिनुहोस !
