केबलकारको तार बेरिएपछि ४५ यात्रु चार हजार मिटरमाथि अड्किए
एजेन्सीः फ्रान्समा केबलकारको तार आपसमा बेरिएपछि ४५ यात्रु करिब चार हजारको उचाइमा अड्किएका छन् । केबलकारको यात्रा गर्ने क्रममा तिब्र हावाका कारण तार एक आपसमा बेरिदा एक सय १० यात्रु फसेका थिए ।
फसेका मध्ये ६५ जनाको हेलिकोप्टरबाट उद्धार भएको र अन्य ४५ जनाको उद्धार गर्न नसकिएको बिबिसीले जनाएको छ ।
केबलकार कम्पनीले फसेका यात्रुसँग निरन्तर सम्पर्क भइरहेको जनाएको छ । फसेका यात्रु तीन हजार आठ सय मिटर उचाइमा रहेको स्थानीय सञ्चार माध्ययमलाई उद्धृत गर्दै अन्तराष्ट्रिय सञ्चार माध्यामले जनाएका छन् ।
उद्धार गर्न खतरा भए पनि फ्रान्सको सरकारले शुक्रबार बिहानसम्ममा उद्धार गरिसक्ने बताएको थियो । यद्यपी अहिलेसम्म ४५ यात्रुको उद्धार हुन सकेको छैन । फ्रान्सका आकर्षक दृश्य हेर्न यात्रुहरु केबलकार चढेका थिए ।
प्रतिक्रिया दिनुहोस !
