सालमली नेपाल आउँदै
काठमाडौःबलिउडकी चर्चित गायिका सालमली खोलगडेले नेपालमा सांगीतिक प्रस्तुति दिने भएकी छन् । गुड ह्युमन अर्गनाइजेसन्सले कात्तिक २७ गते आयोजना गर्ने ‘बलिउड लाइभ कन्सर्ट’ मा सालमलीको प्रस्तुति रहनेछ ।
जावलाखेल खेलमैदानमा हुने कार्यक्रममा नेपाली संगीतकर्मी रविन एन्ड द न्यु रभोलुसन्स, कालीप्रसाद बाँस्कोटा, बाबु बोगटी, अल्मोडा राना उप्रेती र सोमिया बराइलीले पनि सांगीतिक प्रस्तुति दिनेछन् । आयोजकले राजधानीमा पत्रकार सम्मेलन गरी कार्यक्रमबारे आइतबार जानकारी दिएको हो ।
कार्यक्रमबाट संकलन भएको रकमको १५ प्रतिशत भूकम्पपीडितको लागि सहयोग गरिने बताइएको छ । सालमलीले मुझे लत लग गई, बलम पिचकारी, जनता रक्स, हे मिस्टर डीजेजस्ता हिट गीत गाएकी छन् । नोभेम्बर ११ मा नेपाल आइपुग्ने सालमली तीन दिन नेपालमा रहनेछन् ।
प्रतिक्रिया दिनुहोस !
