काठमाडौंः बार्सिलोनाका पूर्वकप्तान जाभीले अर्जेन्टिना तथा बार्सिलोनाका खेलाडी लियोनल मेसी विश्वकै सर्वोत्कृष्ट खेलाडी भएको बताएको दुई दिन बित्न नपाउँदै रियल मड्रिडका स्टार खेलाडी मार्सेलोले त्यसको खण्डन गरेका छन्।
मार्सेलोले आफ्ना साथी क्रिष्टियानो रोनाल्डो विश्वकै नम्बर वान् खेलाडी भएको दाबी गरेका छन्। मार्सेलोले रोनाल्डो विश्वकै नम्बर वान् खेलाडी भएकोमा कुनै शंका नभएको समेत बताएका छन्।
च्याम्पियन्स लिग फुटबल अन्तर्गत रोनाल्डोको बाल्यकालको क्लब स्पोर्टिङविरुद्धको खेलअघि कुराकानी गर्दै मार्सेलोले भने,‘सवैले रोनाल्डोको बारेमा कुरा गर्न चाहन्छन्। शंका छैन कि उनी विश्वकै नम्बर वान् (उत्कृष्ट) खेलाडी हुन्।’
‘मैले हेरेक दिन रोनाल्डोले मेहेनत गरेको हेरिरहेको छु, मलाई लाग्छ ऊ नै विश्वकै उत्कृष्ट खेलाडी हो र धेरै मानिसहरुले पनि यही सोच्छन्। ऊ धेरै मेहेनत गर्न चाहने खेलाडी हो,’ मार्सेलोले भने।
रोनाल्डो अझै धेरै वर्ष फुटबल खेल्न सक्ने बताउँदै मार्सेलेलो भने,‘ऊ अझै तन्नेरी नै छ।’
प्रतिक्रिया दिनुहोस !
