एकल कविता वाचनमा हाङयुग अज्ञात
काठमाडौंः हङकङमा रही नेपाली कविता सिर्जनारत कवि हाङयुग अज्ञात एकल कवितामा प्रस्तुत हुने भएका छन् ।
असोज ३ गते फिनीक्स बुक्सले उनलाई मण्डला थिएटरमा कविता सहित उभ्याउने भएको छ । कार्यक्रममा दुई दर्जनभन्दा बढी कविता वाचन गरिने कवि अज्ञातले अन्नपूर्ण पोस्ट्लाई बताए ।
उपन्यासकार राजन मुकारुङ र कथाकार उपेन्द्र सुब्बासँगै ‘सिर्जनशील अराजकता’ आन्दोलनमा सक्रिय कवि अज्ञात कार्यक्रमहरुकै सिलसिलामा नेपाल आइपुगेका हुन् ।
एकल वाचन पछि सिर्जनशील अराजकताको समूह विभिन्न कार्यक्रमहरुको सिलसिलामा भारतको सिक्किमसम्म पुग्ने अज्ञातले बताए ।
कवि अज्ञातका ‘रंगीत आविष्कार’, ‘ढुंगामुढाको मन’, ‘करङको हिरासत’ लगायत सातवटा कविता कृति प्रकाशित छन् ।
प्रतिक्रिया दिनुहोस !
