मर्मत गरेको एक सातामै भत्कियो सडक  

चन्द्रपुरः पूर्वपश्चिम राजमार्ग अन्र्तगत बागमतीदेखि चन्द्रनिगाहपुरसम्मको सडक मर्मत गरेको सडक एक साता नहुँदै भत्किएको छ । अहिले सडकमा ठूला खाल्टा परेका छन् ।

रौतहटको चन्द्रनिगाहपुरस्थित मुख्यबजार क्षेत्रका सडकमा ठूला खाल्टा भएका कारण मोटरसाइकल, स्कुटर ,ई–रिक्सा दुर्घटना हुने गरेका छन् । खाल्टा भएको कारण यातायात आवागमनमा समस्या हुने गरेको छ ।

एक साताअघि मात्रै सडक डिभिजन कार्यालय चन्द्रनिगाहपुरले भत्किएका स्थानहरूमा सडकको मर्मत गरेको थियो । चन्द्रनिगापपुरको मुख्य चोकदेखि बागमतीसम्म ५० भन्दा बढी स्थानका खाल्टोमा कालोपत्रे गरिएकामा फेरि भत्किएर पहिलेकै अवस्थामा पुगेको छ । सडक डिभिजन कार्यालयले लाखौं रुपैयाँ सडक मर्मतका लागि खर्चगर्दै आए पनि गुणस्तरीय काम नभएकाले एक सातामा नै सडक भत्किएको हो ।

मुख्य बजार क्षेत्रमा नै खाल्टा भएकाले दुर्घटनाको खतरा बढेको चन्द्रनिगाहपुरका युवा व्यवसायी फिरोज श्रेष्ठले बताएका छन् । चन्द्रनिगाहपुरस्थित डिभिजन सडक कार्यालयलाई मर्मतका लागि धेरै पटक आग्रह गरेपछि गरेको मर्मत एक साता पनि नटिकेपछि चन्द्रनिगाहपुरका स्थानीय व्यापारी र पैदलयात्रुले आक्रोश पोखेका छन् ।
सडकमा खाल्टा भएकाले सवारी दुर्घटनाको जोखिम बढेकोले जिल्ला ट्राफिक प्रहरी कार्यालयका प्रहरी निरीक्षक विज्ञान बस्नेतले बताए ।

दैनिक तीन हजार भन्दाबढी सवारीसाधन आवजजावत गर्ने देशको मुख्य राजमार्ग मर्मतको काम गुणस्तरीय नभएको नेकपा एमालेका क्षेत्रीय अध्यक्ष बाबुराम दाहालको भनाइ छ ।

चालकले सडकको खाल्टो छल्न खोज्दा सवारीसाधनले पैदल यात्रुलाई ठक्कर दिने खतरा बढेको छ । सडक कार्यालय र नगरपालिकाले पैदालयात्रुका लागि बनाइएको फुटपाथ व्यवस्थित गर्न नसकेका कारण पैदलयात्री असुरक्षित हुने गरेका छन् ।
इन्फो
रौतहटको चन्द्रनिगाहपुरस्थित मुख्यबजार क्षेत्रका सडकमा ठूला खाल्टा भएका कारण मोटरसाइकल, स्कुटर ,ई–रिक्सा दुर्घटना हुने गरेका छन् ।
अन्नपूर्ण
एक साताअघि मर्मत गरिएको पूर्वपश्चिम राजमार्गको दुरावस्था ।