कटरिना कैफले बलिउडमा स्थापित बन्न नायक सलमान खानको सहारा लिएकी छन् । पछिल्लो समय कटरिनाका चलचित्र खासै चलेका छैनन् । गत वर्ष यशराज ब्यानरमा बनेको सलमानको 'एक था टाइगर' हिट बनेको थियो । यसैको सिक्वेल 'टाइगर जिन्दा है' बन्ने भएको छ । सोही चलचित्रको मुख्य भूमिकामा कटरिना हुने भएकी छन् ।
बलिउड गसिपअनुसार कटरिना पुनः बलिउडमा जम्नका लागि सलमानसँग लबिङ गरिरहेकी छन् । यसैको परिणामस्वरूप कटरिनाले 'टाइगर जिन्दा है'मा काम गर्न पाउने भएकी हुन् । चलचित्रमा कटरिना सलमानको बहिनीको भूमिकामा देखिने भएकी हुन् ।
कटरिनाको नायक रणवीर कपुरसँग ब्रेकअप भएपछि करिअर बिग्रिएको हो । उनको यति बेला बलिउडमा प्रभाव शून्यजस्तै छ । यसै वर्षमात्र कटरिनाका दुईवटा चलचित्र फ्लप भएका थिए । उनका 'फितुर' र 'बार बार देखो'ले बजार पिट्न नसकेका हुन् । उनका ब्वायफ्रेन्ड रणवीर कपुरसँगको चलचित्र 'जग्गा जासुस' अर्को वर्ष रिलिज हुने भएको छ ।
प्रतिक्रिया दिनुहोस !
