काठमाडौः हुन्डाई गाडीको आधिकारिक वितरक लक्ष्मी इन्टरकन्टिनेन्टलले ‘दसैं तिहार गेट, सेट, गो’ अफरका विजेतालाई पुरस्कार वितरण गरेको छ ।
तीनकुनेस्थित हुन्डाईको सोरुममा बिहीबार पुरस्कार वितरण गरिएको हो । उक्त अफरअन्तर्गत हरेक नयाँ हुन्डाई गाडीको खरिदमा ग्राहकले ६ लाखसम्मको नगद छुट, एक वर्षको बिमा, ५६ जनाका लागि सामसुङ ग्यालेक्सी एस ६ एज स्मार्टफोन र बम्पर उपहारमा हुन्डाई क्रेटा जित्ने व्यवस्था थियो ।
‘सेट’ अफर अन्तर्गत ५६ जना भाग्यशाली ग्राहकले सामसुङ ग्यालेक्सी एस६ एज जितेका थिए । ‘गेट सेट गो’ अफरका विजेताको घोषणा लक्की ड्रमार्फत भदौ ६गते गरिएको थियो ।
बुटवलकी सुमी श्रेष्ठले बम्पर उपहार हात पारेकी थिइन् । उपहार बिहीबार लक्ष्मी गु्रपका अध्यक्ष गणेशबहादुर श्रेष्ठ र नेपाली राष्ट्रिय फुटबल टिमका कप्तान अनिल गुरुङले विजेतालाई हस्तान्तरण गरे ।
प्रतिक्रिया दिनुहोस !
