काठमाडौः चितवनको सौराहामा रहेको जंगल सफारी लजले आन्तरिक पर्यटकलाई लक्षित गर्दै ‘दसैं तिहार दुई रात अफर’ योजना ल्याएको छ ।
शनिबारदेखि कात्तिक ३० सम्म लागू हुने यस योजनाअन्तर्गत दुई पर्यटकले दुई रात तीन दिनको प्याकेजसहित २५ हजार रुपैयाँमा सौराहा घुम्न पाउनेछन् । जंगल सफारी लजका प्रबन्ध निर्देशक सुमन घिमिरेका अनुसार यस प्याकेजमा सहभागी हुनेले लन्च, डिनर र ब्रेकफास्टसहित सम्पूर्ण सफारी गर्न पाउनेछन् ।
उनका अनुसार पर्यटकले सौराहामा हात्ती सफारी, डुंगा सयर, हात्ती प्रजनन केन्द्र, थारू नाच, सूर्यास्त र थारू गाउँ अवलोकन गर्न पाउनेछन् । यस योजनामा सहभागी हुने पर्यटकलाई काठमाडौं भरतपुरको दुईतर्फी हवाई टिकटसमेत दिइने घिमिरेले बताए ।
साथै सहुलियत मूल्यमा पूर्ण वातारण अनुकूलित कोठा, रेस्टुरेन्ट र वाइफाई सुविधा हुनुका साथै पर्यटकले सौराहाको सबै गतिविधिमा सहभागी हुन सक्ने पनि उनको भनाइ छ ।
मुगलिङ नारायणघाट सडक खण्डको अवस्थाका कारण दसैंजस्तो चाडको बेलामा सौराहालाई लोकप्रिय पर्यटकीय गन्तव्यका रूपमा विकास गर्न होटलले यो प्याकेज योजना ल्याएको जनाएको छ ।यो अवधिभर सभा गोष्ठीका लागि सेमिनार हलमा समेत छुट रहने होटलले जनाएको छ ।
प्रतिक्रिया दिनुहोस !
