नेपालको प्रतिनिधित्व महतले गर्ने
काठमाडौः संयुक्त राष्ट्र सङ्घको ७१ औ महासभामा नेपालक तर्फबाट परराष्ट्रमन्त्री प्रकाशशरण महतले गर्ने भएका छन् ।
उक्त कार्यक्रममा प्रधानमन्त्री पुष्पकमल दाहाल जाने कार्यक्रम तय भएपनि अन्तिममा आएर उनको भ्रमण स्थगित भएपछि महतले नै नेपाली प्रतिनिधिमिण्डलको नेतृत्व गर्ने भएका हुन् । मन्त्री महत आइबार नै अमेरिका प्रस्थान गरिसकेका छन् ।
‘दिगो विकास लक्ष्यः पृथ्वीको रुपान्तरणका लागि विश्वव्यापी दबाब’ भन्ने नाराका साथ मङ्गलबारदेखि महासभा शुरु हुदैँ छ ।
नेपालका तर्फबाट परराष्ट्रमन्त्री डा महतले महासभालाई सम्बोधन गर्ने र केही उच्चस्तरीय एवम् द्विपक्षीय भेटवार्ताका कार्यक्रम तय भएका छन् । त्यस्तै डा। महतले ‘दिगो विकासको कार्यसूची २०३०’ का साथै शरणार्थी र आप्रवासीसम्बन्धी बैठकलाई सम्बोधन गर्ने छन् ।
महासभामा भाग लिन पराष्ट्रमन्त्री डा महत आइतबार नै गएका थिए भने अन्य सदस्य आज बेलुकी उड्ने अन्तिम तयारीमा छन् । भ्रमण टोलीमा सांसद मोहनबहादुर बस्नेत, मुख्यसचिव डा सोमलाल सुवेदी, परराष्ट्र मन्त्रालयका सचिव शङ्करदास वैरागी र राष्ट्र सङ्घका लागि नेपाली स्थायी प्रतिनिधि दुर्गाप्रसाद भट्टरार्इ लगायत छन् ।
प्रतिक्रिया दिनुहोस !
