कर्नेल लामा बेलायतबाट स्वदेश फर्किए
काठमाडौं: झण्डै चार वर्षदेखि युद्ध अपराध सम्वन्धी मुद्धा खेप्दै आएका नेपाली सेनाका महासेनानी कुमार लामालाई बेलायती अदालतले निर्दोष सावीत गरे पछि नेपाल फर्किएका छन् ।
लामालाई मंगलबार त्रिभुवन अन्र्तराष्ट्रिय विमानस्थलमा परिवार र शुभचिन्तकले स्वागत गरेका छन् । बेलायतको क्राउन प्रोसिक्युसन सर्भिसले दोषी ठहर गर्ने पर्याप्त आधार नभएको भन्दै महासेनानी लामालाई सफाइ दिने निर्णय लिएको थियो ।
सैनिक प्रवक्ता ताराबहादुर कार्कीले महासेनानी लामा मंगलबार स्वदेश फर्किएको बताए । लामाले दश लाख पाउण्ड रकम खर्च गरी अहिलेसम्म कानुनी लडाइँ लडेका थिए ।
बेलायतको ओल्ड बेलीमा न्यायाधीश स्विनीको इजलासले गत भदौ २० गते लामालाई निर्दोश ठहर्याएको थियो । दक्षिणी सुडानस्थित राष्ट्रसंघीय शान्ति मिसनका कार्यरत रहेका बेला पत्नीलाई भेटन बेलायत गएका लामालाई प्रहरीले नियन्त्रणमा लिएको थियो ।
मानव अधिकारवादी संस्था एडभोकेसी फोरमले झण्डै ११ वर्ष अघि कपिलवस्तुको गोरुसिंङेमा रहेको सैनिक शिवरमा रहेका बन्दीद्धय करम हुसेन र जनक रावतलाई चरम यातना दिएको अभियोगमा लामाविरुद्ध मुद्धा दायर गरेको थियो ।
प्रतिक्रिया दिनुहोस !
