कारको ठक्करपछि आकासतिर उडेका पैदलयात्री छतमा बजारिए
भारत हैदरावादको बैंगलुरु नेशनल हाइवेमा कारले एक पैदल यात्रीलाई ठक्कर दियो । कारको ठक्करले पैदल यात्रीको मृत्यु भयो । कारले यदि जोडले पैदलयात्रीलाई ठक्कर दियो कि बाटोमा हिँडिरहेका यात्रु हावामा उडेर कारको छतमा पुगे ।
तर, चालकले यसको कुनै परबाह नगरी कारलाई तीब्र गतिमा गुडाइरहे । उनले मृतवको शवलाई कारको छतमा राखेर झन्डै तीन किलोमिटर गाडी गुडाए ।
हाईवे प्रहरी तथा स्थानीयले घेरा हालेर कारलाई त रोके तर चालक फरार भए ।
प्रहरीले पक्राउ गरेको दुर्घटनाग्रस्त कार
प्रहरीका अनुसार दुर्घटनामा परेको कार हैदराबादको कुलकाठपल्लीस्थित बायोमेट्रिक इक्विपमेन्ट मेन्युफैक्चरिङ युनिटका मालिकको हो । उनको नाम राम राजशेखर बताइएको छ । प्रहरीले अहिले कारमा राम राजशेखर नै सवार थिए या अरु कोही भन्ने खुलेको छैन ।
दुर्घटना सोमबार राति करिब १० बजेको समयमा भएको थियो । निम्मागाड्डबावी गाउँका स्थानीयबासी ३५ वर्षका श्रीनिवासुलु बस स्टपमा जानका लागि बाटो क्रम गरिरहेका बेला तीब्र गतिमा रहेको कारले ठक्कर दिएको थियो ।
कुर्नूलबाट आउँदै गरेको एपी २८ सीके ८४७७ नम्बरको कारले श्रीनिबासुलुलाई ठक्कर दिएको हो । उनको घटनास्थलमै मृत्यु भएको थियो । चालकले दुर्घटना गराएपछि सवारी रोक्नुको साटो तीब्र गतिमा गुडाएका थिए ।
यस्तै घटना जनवरीमा पनि भएको थियो । दुई जनवरीमा भएको घटनामा २५ वर्षका एक युवकले ६२ वर्षका वृद्धलाई ठक्कर दिएको थियो । त्यतिबेला पनि बृद्धको शव कारको छतमा नै पुगेको थियो भने युवकले झन्डै २० किलोमिटर दूरीमा कार पुर्याएर रोकेको थियो । त्यो बेला भने दुर्घटना गराउने चालकलाई प्रहरीले पक्राउ गरेको थियो ।
प्रतिक्रिया दिनुहोस !
