रसुवागढी नाका १० दिनपछि सुचारु
नुवाकोटः अविरल बर्षापछि अवरुद्ध रसुवागढी नाका १० दिनपछि सुचारु भएको छ । पहिरोले अवरुद्ध स्याफ्रुवेशी–रसुवागढी सडक मार्ग बुधबार खुलेको हो ।
नेपाली सेना, प्रहरी, शसस्त्र प्रहरी तथा सडकका कामदारले विष्फोटक पदार्थ प्रयोग गरेर सडकका ढुंगा हटाएको जिल्ला प्रहरी कार्यालय रसुवाले जनाएको छ। एकसाताको प्रयासपछि पहिरो हटेको हो ।
पहिरो पन्छाउन चार थान स्काभेटरसहित सेना, नेपाल प्रहरी तथा सशस्त्र प्रहरीका जवान दैनिक खटिएका थिए । पहिरो हटाइएपछि बुधवारदेखि दुईतफी आवतजावत सुचारु भएको रसुवाका प्रमुख जिल्ला अधिकारी कृष्णप्रसाद अधिकारीले जानकारी दिए ।
एकैस्थानमा एकसय ५० मिटर लामो पहिरो खसेका कारण रसुवागढी नाका १० दिन ठप्प भएको हो । पहिरोका कारण दसैँका लागि चीनको केरुङवाट सामान बोकेर आएका कन्टेनरहरु बीचमै रोकिएका थिए ।
प्रतिक्रिया दिनुहोस !
