बिपी क्यान्सर अस्पतालको अस्तव्यस्ताप्रति स्वास्थ्यमन्त्री थापा आक्रोशित
चितवनः स्वास्थ्यमन्त्री गगनकुमार थापाले भरतपुरस्थित बिपी कोइराला मेमोरियल क्यान्सर अस्पतालको अस्तव्यस्तताप्रति आक्रोश व्यक्त गरेका छन्।
बिहीबार स्वास्थ्यमन्त्री थापाले अस्पतालको सेवा एवम् गुणस्तरको सुधार तथा समस्या पहिचान गर्न टोली खटाइएको बताएका छन् ।
बिहीबार अस्पतालको निरीक्षणपछि थापाले अस्पतालमा व्यवस्थापकीय कमजोरी, आर्थिक अनियमितता र स्रोत, साधनको उचित सदुपयोग हुन नसकेको भन्दै असन्तुष्टि जनाए ।
कार्यक्रममा उनले एसियाकै नमुना अस्पताल अस्तव्यस्त भएको भन्दै चिन्तासमेत व्यक्त गरे । मन्त्रालयले देशका अन्य अस्पतालमा पनि टोली खटाएर सूक्ष्म अध्ययन गरिरहेको उल्लेख गर्दै उनले टोलीको प्रतिवेदन आएलगत्तै मन्त्रालयले निर्णय लिने बताए ।
स्वास्थ्य क्षेत्रमा राजनीति हाबी हुँदा गुणस्तरीय सेवा प्रदान हुन नसकेको भन्दै मन्त्री थापाले समयमा नै आफ्नो कार्यशैली सुधार गर्न चिकित्सक र कर्मचारीलाई निर्देशन दिए ।
विश्व दीर्घकालीन अधिश्वेत रक्तता ९चार मुख्य अर्बुदरोगमध्ये एक० दिवसका अवसरमा बिहीबार अस्पतालमा रक्त अर्बुदरोग भएका बिरामीलाई निःशुल्क औषधिसमेत वितरण गरिएको छ ।
अस्पतालबाट अहिले ६०० जनाले वार्षिक प्रतिव्यक्ति ६० लाख पर्ने औषधि निःशुल्क सेवन गरिरहेको कर्मचारी रमेश पौडेलले बताए । रासस
प्रतिक्रिया दिनुहोस !
