टाढाबाट हेर्दा सेलिब्रेटीहरूको जीवन रमाइलो लाग्छ । सुन्दर देखिन्छ । उनीहरूले कुनै पनि विषम र खराब अवस्थाको सामना गर्नुपरेको छैन होला भन्ने हामीलाई लाग्न सक्छ । सुखसुविधाको त उनीहरूलाई झन् के टन्टा ! तर हाम्रो सोचाइ र हेराइभन्दा उनीहरूको जीवन फरक छ । अनि हाम्रोजस्तै सामान्य पनि । बेलाबेलामा उनीहरूले पनि अप्ठ्यारा अवस्थाको सामना गरेका हुन्छन् । कतिपय अवस्थामा क्रेजी फ्यानहरूका कारण उनीहरू आजित भएका हुन्छन् । केही यस्तै अवस्थाको सामना गरेका सेलिब्रेटीहरू यहाँ प्रस्तुत गरिएका छन् ।
सोनाक्षीले लिनुपर्यो बाउन्सरको सहायता
सन् २०१० मा मुम्बईमा भएको एक इभेन्टमा भीडभाड निकै बढेको थियो । त्यही भीडमा थिइन् बलिउड अभिनेत्री सोनाक्षी सिन्हा । त्यो भीडमा सोनाक्षीलाई एक भीडले घेरिसकेको थियो । उनलाई केही उत्तेजक व्यक्तिले जबर्जस्ती छुने कोसिस गरे । तर सोनाक्षी बाउन्सर्सको सहयोगमा त्यहाँबाट बाहिर निस्कन सफल भएकी थिइन् ।
पागल फ्यानले हैरान सोनम
सोनम कपुर आफू अभिनीत चलचित्र 'रांझणा' को प्रमोसनका लागि हिँडेका बेला केही असहज अवस्थाको सामना गर्न पुगिन् । चलचित्र प्रमोसनका लागि उनी एउटा थिएटरमा पुगेकी थिइन्, जहाँ उनले एकजना क्रेजी फ्यानको सामना गर्नुपरेको थियो । त्यहाँबाट उम्कन उनले कोस्टार धनुषको मद्दत लिनु परेको थियो ।
दुर्गा पूजामा कटरिना हैरान
चर्चित अभिनेत्री कटरिना कैफलाई दुर्गा पूजा गर्ने क्रममा यस्तै अवस्थाको सामना गर्नुपरेको थियो । सन् २००५ मा उनी साउथ कोलकातामा दुर्गा पूजा गर्न पुगेकी थिइन् । जहाँ उनलाई उनका फ्यानहरूले दिनु दुःख दिएका थिए । फ्यानहरू उनको व्यक्तिगत सेक्युरेटीलाई हटाउँदै उनी भएको स्थानमा पुगेका थिए । त्यस क्रममा उनलाई केही मानिसले निकै हैरान बनाएका थिए ।
गौहरलाई थप्पड
कार्यक्रम प्रस्तोता गौहर खानलाई कार्यक्रम चलाइरहेकै बेला एकजनाले थप्पड हानेका थिए । सन् २०१४ मा गौहरले टीबी रियालिटी सो 'इन्डियाज रकस्टार'को अन्तिम प्रतिस्पर्धाको दिन सुटिङ गरिरहेकी थिइन् । त्यति नै बेला मोहम्मद अकिल नामका व्यक्ति दर्शकको बीचबाट स्टेजमा आएर गौहरलाई गाली गर्न थाले । जब गौहरले उनको विरोध गरिन् तब गौहरलाई नै उनले थप्पड हानेका थिए ।
अमिशालाई छुने कोसिस
बलिउड अभिनेत्री अमिशा पटेललाई एकजना युवाले जबर्जस्ती छोएका थिए । सन् २०१४ मा उनी एउटा गहना पसलको सोरुम उद्घाटनका क्रममा त्यहाँ पुगेकी थिइन् । अमिशालाई देखेर निकै भीड बढेको थियो । जब उनी भीडबाट भित्र जान लागिन् त्यही नै बेला ती युवाले छोएका थिए । उनले ती युवालाई एक थप्पड हानेकी थिइन् ।
सुस्मितालाई कारमा पस्नै नदिने फ्यान
सुस्मिता सेनले पनि खराब अवस्थाको सामना गर्नु परेको थियो । उनले पनि पुणेस्थित एक गहना पसलको उद्घाटन गर्ने क्रममा यस्तै अवस्थाबाट गुज्रनु परेको थियो । कार्यक्रमबाट फर्किएर जब उनी आफ्नो कारमा बस्न लागेकी थिइन् तब उनलाई त्यहाँ भएको भीडले कारमै पस्नबाट रोकेका थिए ।
विपाशाको स्कर्ट तान्ने फ्यान
विपाशा बसुको चलचित्र 'राज' निकै सुपरहिट बनेको थियो । तर उनको चलचित्र 'राज ३' को प्रमोसनका क्रममा उनलाई एकजना क्रेजी फ्यानले बेइज्जत गर्न खोजेका थिए । उनी त्यसबेला अहमदाबादमा थिइन् । त्यतिबेला उनको स्कर्ट तान्ने कोसिस गरिएको थियो । उनले अमेरिकाको न्युजर्सीमा पनि यस्तै अवस्थाको सामना गर्नुपरेको थियो ।
प्रतिक्रिया दिनुहोस !
