काठमाडौं: सीटीसी मोबाइल बजारमा विजयादशमीको अवसरमा आकर्षक छुट र यथेष्ट सुविधासहितको सामसुङ ग्यालेक्सी जे२ सिक्स सीटीसी मोबाइल एक्स्पो सुरु भएको छ । असोज १५ गतेसम्म सञ्चालन हुने एक्स्पोको उपप्रधान तथा अर्थमन्त्री कृष्णबहादुर महराले उद्घाटन गरेका छन् ।
सो अवसरमा अर्थमन्त्री महराले मोबाइलले सूचना प्रविधिको क्षेत्रमा क्रान्ति ल्याएको बताए । उनले आफू सञ्चारमन्त्री हुँदा ल्याएको हातहातमा मोबाइल घर घरमा इन्टरनेटको विशेष कार्ययोजनाअनुसार नै नेपालमा सूचना प्रविधिको विकास भइरहेको दाबीसमेत गरे । सिभिल ग्रुपका अध्यक्ष तथा सांसद इच्छाराज तामाङले मोबाइल एक्स्पोले मलको व्यवसायीकरण गर्न सहयोग पुग्ने विश्वास व्यक्त गरे ।
उनले मलमा रहेका व्यवसायीको हितमा मलले सबै खाले सहयोग गर्ने प्रतिबद्धतासमेत व्यक्त गरेका थिए । त्यस्तै सामसुङ नेपालका प्रणयरत्न स्थापितले नेपालकै ठूलो मोबाइल बजारमा आयोजना गरिएको मोबाइल एक्स्पोले कम्पनीको बजार प्रवद्र्धनमा समेत मद्दत पुग्ने अपेक्षासहित मुख्य प्रायोजक बनेको बताए ।
प्रतिक्रिया दिनुहोस !
