करिब दुई किलो चरेससहित इरानी नागरिक पक्राउ
काठमाडौँः त्रिभुवन अन्तराष्ट्रिय विमानस्थलको नियमित चेकजाँचका क्रममा आइतबार करिब दुई किलो चरेससहित एक इरानी नागरिक प्रकाउ परेका छन् ।
राहदानी नम्बर बि ३६१९८८७५ रहेका ३४ बर्षीय भाहिद निक्जामिरलाई शनिबार नेपाल प्रहरीको लागुऔषध नियन्त्रण ब्युरोले एक किलो सात सय ग्राम चरेससहित पक्राउ गरेको हो ।
काठमाडौँबाट मुम्बई हुँदै श्रीलंका जान लागेका भाहिदको सुटकेस चेकजाँचका क्रममा प्रहरीले चरेस बरामद गरेको हो।
पहिलो पटक २०१३ मा नेपाल आएका भाहिद पछिल्लो पटक ०६३ श्रावण ६ गते नेपाल आएका थिए । उनी १५ वर्षदेखि चरेसको अम्मली रहेको प्रारम्भिक अनुसन्धानबाट खुलेको छ ।
नेपालमा चरेस हुन्छ भन्ने थाहा पाएर आएका उनले पोखरा बसाईको क्रममा बाग्लुङ पुगेर गाँजा संकलन गरेर आफैँ चरेस बनाएको बताएका छन् । प्रहरीसँग उनले श्रीलंका बसाईमा सेवन गर्न चरेस लान लागेको स्वीकार गरेका छन् ।
प्रहरीले भाहिदलाई लागुऔषध नियन्त्रण ऐन २०३३ बमोजिम मुद्धा दर्ता गरी अनुसन्धान प्रक्रिया अघि बढाइएको छ ।
उनको साथबाट चरेस बाहेक चार सय पाँच ग्रँम यार्सागुम्बा समेत बरामद भएको छ । यस सम्बन्धमा भने प्रहरीले जिल्ला वन कार्यालय काठमाडौँसँग आवश्यक समन्वय भइरहेको बताएको छ ।
प्रतिक्रिया दिनुहोस !
