पूर्वगृहमन्त्री चढेको गाडी त्रिशुलीमा खस्यो, तीन जनाकाे शव भेटियाे
धादिङ :पूर्वगृहमन्त्री माधव घिमिरे चढेको गाडी त्रिशुलीमा खसेको छ।मुग्लिनबाट काठमाडौं आउँदै गरेको बा ९ च १५३१ नम्वरको स्कार्पियो जीप आइतबार पाैने पाँच बजे चितवनको दाह्रेचोक गाविसको घोप्टेभिरबाट त्रिशुली नदीमा खसेर बेपत्ता भएको हो।
स्थानीय प्रहरीका अनुसार गाडीमा घिमिरेसहित सातजना थिए। तीनजनाको शव भेटिएको र अन्य तीन नदीमा बेपत्ता रहेको जानकारी चितवनका प्रमुख जिल्ला अधिकारी विनोद प्रकाश सिंहले दिएका छन्। गम्भीर घाइते भएका चालकलाई चितवन अस्पतालमा लगिएको छ।
घिमिरे नेपाल सरकारका पूर्वमुख्य सचिवसमेत हुन् । गाडी पुरै पानीमा डुबेको र खोजीकार्य जारी रहेको जानकारी प्रहरीले दिएको छ। सेना र सशस्त्र प्रहरी बलको आपत्तिकालिन उद्धार टोली घटनास्थलमा परिचालित छ ।
गतल सूचना पर्न गएकोमा सच्याइएको छ ।
प्रतिक्रिया दिनुहोस !
