चिसो भुइँम प्रसूति !
वीरगन्ज: वीरगन्जको नारायणी उपक्षेत्रीय अस्पतालमा शड्ढयाको अभावमा गर्भवती महिला चिसो भुइँमै सुत्केरी गराउन बाध्य छन् ।
दुई सय ५० शड्ढयाको अस्पतालले प्रसूतिगृहमा भने २५ शड्ढयाको मात्र स्वीकृति पाएको छ । अस्पतालको प्रसूतिगृहमा एक सातायतादेखि दिनहुँ ५० देखि ५५ जना सुत्केरी गराउन आइरहेका छन् ।
शड्ढयाको अभाव भएपछि प्रसूतिगृहका चिकित्सक र नर्सले गर्भवती महिलालाई भुइँमै राखेर सुत्केरी गराइरहेका छन् । शड्ढयाको अभावमा दुई दिनेदेखि चिसो भुइँमा बस्नुपरेको सुत्केरी सबिना बस्नेतले बताइन् । 'बेड खाली छैन । दुई दिनदेखि चिसो भुइँमा बस्नुपरेको छ', उनले भनिन्, 'साह्रै गाह्रो भइरहेको छ ।'
'डेलिभरी गराउन आउने महिलाको चाप धेरै छ तर बेड कम छ', प्रसूतिगृहकी इन्चार्जसमेत रहेकी मेट्रोन विशाखा चौधरीले भनिन्, 'अस्पतालमै आइसकेका बिरामी फर्काउनु भएन । केहीलाई भुइँमै राखेर भए पनि सुत्केरी गराउन बाध्य छौं ।'
गत मंगलबारदेखि दैनिक ४०÷५० जना गर्भवती महिला सुत्केरी गराउन अस्पतालमा आइरहेको उनले बताइन् । शड्ढयाको अभाव भएका कारण आइतबार पनि प्रसूतिगृहमा रहेका ४५ जनामध्ये १०÷१२ जना सुत्केरी भएका महिला र नवजात शिशुलाई भुइँमै राखिएको चौधरीले बताइन् ।
अस्पतालमा सुत्केरी गराउन आउने महिलाको संख्या बढेपछि अस्पतालले सामान्य प्रक्रियाबाट प्रसूति भएका महिलालाई एकै दिनमा घर पठाउने गरेको छ । शल्यक्रियाबाट सुत्केरी भएका महिलालाई भने तीन दिनसम्म राख्ने गरिएको छ ।
'बेड नभएपछि सुत्केरी भएका महिलालाई १२ घन्टामै डिस्चार्ज गर्नुपर्ने बाध्यता छ', मेट्रोन चौधरीले भनिन्, 'भुइँमा राख्दा आमा र बच्चा दुवैको स्वास्थ्यमा संक्रमण हुने खतरा हुन्छ ।'
अस्पतालमा गर्भवती महिला आउने क्रम बढेपछि शड्ढयाको अभावमा सेवा दिन समस्या भइरहेको अस्पतालका प्रवक्ता रमेश चौधरीले बताए ।
निजी अस्पताल र नर्सिङ होममा गर्भवती महिलालाई प्रसूति गराउन महँगो शुल्क तिर्नुपर्ने तर नारायणी उपक्षेत्रीय अस्पतालमा निःशुल्क उपचारका साथै रकम पनि पाउने हुनाले गर्भवती महिलाहरू नारायणी अस्पतालतर्फ नै आकर्षित भएको उनले बताए ।
नारायणी उपक्षेत्रीय अस्पतालमा आमा सुरक्षा कार्यक्रमअन्तर्गत गर्भवती महिलाहरूको निःशुल्क उपचारका साथै औषधि र पोषणबापत जनही पाँच सय रुपैयाँ उपलब्ध गराइन्छ ।
अस्पतालका प्रवक्ता चौधरीका अनुसार प्रसूतिगृहमा आठजना चिकित्सक र पाँचजना स्टाफ नर्सको दरबन्दी छ तर मुस्किलले दुईजना चिकित्सकमात्र भेटिन्छन् ।
।
प्रतिक्रिया दिनुहोस !
