काठमाडौं: नेपाल टेलिकमकी नवनियुक्त प्रबन्धनिर्देशक कामिनी राजभण्डारीले पदबहाली गरेकी छन् । सरकारले उनलाई तीन वर्षका लागि टेलिकमको प्रबन्ध निर्देशक नियुक्त गरेको हो । टेलिकममा प्रमुख प्राविधिक अधकृत पदमा कार्यरत उनी सो संस्थाकी पहिलो महिला प्रबन्धनिर्देशक हुन् ।
उनले आइतबार कम्पनीको केन्द्रीय कार्यालयमा आयोजित कार्यक्रममा प्रबन्ध निर्देशकको पदभार ग्रहण गरेकी हुन् । उनले विविध प्रविधिका दूरसञ्चार सेवा विस्तार गर्ने, प्रभावकारी ग्राहक सेवा उपलब्ध गराउने, डाटा सेवामा विशेष ध्यान केन्द्रित गर्ने, योजना, आयोजना कार्यान्वयन र मर्मत सम्भारको कार्य स्तरीय बनाउने प्रतिबद्धता व्यक्त गरिन् ।
उनले परिवर्तित संगठनात्मक संरचनालाई सबल बनाउँदै कम्पनीको विकासमा लाग्नुपर्ने, विकसित कार्य संस्कार, अझ राम्रो आपसी सम्बन्ध विकास र समन्वय गर्नुपर्ने आवश्यकता रहेको बताइन् ।
प्रतिक्रिया दिनुहोस !
