माइक्रोम्याक्सले दसैं र तिहारलाई लक्षित गरेर नयाँ अभियान 'म्याक्स उत्सव' सञ्चालनमा ल्याएको छ । कम्पनीले ग्राहकलाई नयाँ प्रविधिसहितको फोन उपलब्ध गराउँदै आएको छ । योजनाअन्तर्गत स्मार्टफोन खरिदमा ग्राकहले विभिन्न उपहार प्राप्त गर्नसक्ने कम्पनीले जनाएको छ ।
'उपहार म्याक्सिमम खुसी म्याक्सिमम' नारासहित सञ्चालनमा आएको म्याक्स उत्सव योजनामा बम्पर पुरस्कारअन्तर्गत ग्राहकले सुजुकीको मोटरसाइकल जित्ने अवसर प्राप्त गर्नेछन् । त्यसैगरी हरेक माइक्रोम्याक्स स्मार्टफोन खरिदमा ग्राहकले स्योर सटमा नगद छुट प्राप्त गर्न सक्ने कम्पनीले जनाएको छ ।
लक्की ड्रमार्फत पाँचजनाले एलईडी टीभी प्राप्त गर्न सक्ने तथा एक जोडीलाई दुबई घुम्ने मौका मिल्ने कम्पनीले जनाएको छ । भारतीय ब्रान्ड माइक्रोम्याक्सले निरन्तर आफूलाई उत्कृष्ट ब्रान्डका रूपमा स्थापित गर्दै आएको छ ।
लेनोभोको विनान्जा अफर
लेनोभो स्मार्टफोनको आधिकारिक वितरक लाइफ कम प्रालिले दसैं, तिहार र छठलाई लक्षित गरेर 'विनान्जा' अफर सञ्चालनमा ल्याएको छ । कम्पनीले उपभोक्तालाई थप उत्साहित बनाउने उद्देश्यले 'विनान्जा, अब जित छ पक्का' योजना ल्याएको हो ।
योजनाअन्तर्गत उपभोक्ताले बम्पर पुरस्कारमा सुजुकी जिक्सर बाइक जित्न सक्नेछन् भने हरेक हप्ता लक्की ड्रमार्फत लेनोभो ट्याबलेट तथा नोटबुक जित्न सक्ने कम्पनीले जनाएको छ । यसका साथमा स्योर सट उपहारअन्तर्गत चाँदीको सिक्का, टिसर्ट, आठ जीबीको मेमोरी कार्ड, पावर ब्यांक र ब्लुटुथ हेडसेट उपहार जित्न सकिन्छ ।
लेनोभोले स्मार्टफोन, ट्याबलेट र स्मार्ट टीभीलगायतका उपकरण बिक्री गर्छ । विश्वका स्मार्ट फोनमा लेनोभो चौथो स्थानमा रहेको कम्पनीले जनाएको छ । कम्पनीले मोबाइल फोन खरिदमा एक वर्षको वारेन्टी तथा ब्याट्रीमा ६ महिनाको वारेन्टी प्रदान गरेको छ ।
सिटी एक्सप्रेसले दियो जग्गा जित्ने अवसर
सिटी एक्सप्रेस मनी ट्रान्सफरमार्फत विदेशबाट पैसा पठाउँदा र नेपालमा पैसा प्राप्त गर्दा चार आना जग्गा प्राप्त गर्न सकिने भएको छ । सोमबार सुरु भएको यो आयोजनामा पुस ९ गतेसम्म कारोबार गर्ने ग्राहकमध्ये एकजनाले काठमाडौं उपत्यकामा चार आना जग्गा प्राप्त गर्ने कम्पनीले जनाएको छ ।
साथै हरेक हप्ता एकजनाले ३२ इन्च एलईडी टेलिभिजन प्राप्त गर्नेछन् । १२ हप्तासम्म सञ्चालन गरिने यो योजनामा १२ जनालाई विजेता घोषणा गरिने कम्पनीले जनाएको छ । सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डनका अनुसार विगतमा गाडी तथा मोटरसाइकल उपहार दिँदै आएकोमा यो वर्ष जग्गा नै दिने निर्णय गरेको हो ।
घडेरी तथा जग्गा उपहारमा मात्र सीमित नरही सपना तथा भविष्यसँग पनि भावनात्मक रूपमा जोडिएको हुनाले ग्राहकको सपनाको कदर गर्दै यस्तो योजना ल्याएको उनले बताए । हास्य कलाकारद्वय धुर्मुस र सुन्तलीलाई ब्रान्ड एम्बेसडरका रूपमा प्रस्तुत गरेर सिटी एक्सप्रेसले 'सिटी बजाएर' बजार प्रवद्र्धन कार्यक्रम प्रस्तुत गरेको थियो ।
सोही कार्यक्रमलाई निरन्तरता दिँदै कम्पनीले 'सिटी बजाउनुहोस्, काठमाडौंमा घडेरी पाउनुहोस्' कार्यक्रम अघि सारेको हो ।
सनराइज बैंकद्वारा बिमा रकम हस्तान्तरण
सनराइज बैंकले बिमितलाई बिमा रकम हस्तान्तरण गरेको छ । भक्तपुरका सुर्जेमाया गाबंजार घाइते भई उपचारको क्रममा निधन भएकाले 'बचतकर्ता सामूहिक दुर्घटना बिमा व्यवस्था' अन्तर्गत दुई लाख ३१ हजार आठ सय नौ रुपैयाँ हस्तान्तरण गरेको बैंकले जनाएको छ । गाबंजारले बैंकको भक्तपुर शाखामा निक्षेप खाता खोलेकी थिइन् ।
बिमा रकम उनका छोरा राधेश्यामलाई प्रदान गरिएको बैंकले जनाएको छ । चेक हस्तान्तरण बैंकको भक्तपुर शाखाका प्रबन्धक भीमनारायण श्रेष्ठले गरे । आफ्ना बचत खाताका ग्राहकको सुविधाका लागि शिखर इन्स्योरेन्स कम्पनीसँगको सहकार्यमा 'बचतकर्ता सामूहिक दुर्घटना बिमा व्यवस्था' प्रदान गर्दै आएको छ ।
यस सुविधाअन्तर्गत दुर्घटनामा परी कुनै बचतकर्ताको मृत्यु वा स्थायी तबरले व्यक्ति अशक्त भएमा पाँच लाखमा नबढ्ने गरी बचतखातामा रहेको मौज्दातको चार गुणासम्म दाबी गर्न सकिने बैंकले जनाएको छ ।
सगरमाथा सिमेन्टको भेला
घोराही सिमेन्ट इन्डस्ट्रिज प्रालिद्वारा उत्पादित सगरमाथा सिमेन्टले काठमाडौंमा बुधबार कन्ट्रयाक्टर मिट सम्पन्न गरेको छ । कलाकार इन्दिरा जोशीको सांगीतिक कार्यक्रमबीच भएको समाहोहमा देशभरका सयभन्दा बढी कन्ट्रयाक्टर सहभागी रहेको कम्पनीले जनाएको छ ।
कार्यक्रममा रमाइला खेल पनि खेलाइएको थियो । कार्यक्रममा घोराही सिमेन्ट इन्डस्ट्रिजलाई सहयोग गर्ने कन्ट्रयाक्टरलाई पुरस्कार साथै कदरपत्र हस्तान्तरण गरिएको थियो । पुरस्कृत हुने कन्ट्रयाक्टरमा होटल मेरियट, अपी पावर कम्पनीलगायत रहेको कम्पनीले जाएको छ ।
कार्यक्रममा सेल्स प्रमुख आदित्य सराफले नेपाल अन्तर्राष्ट्रिय गुणस्तरको सिमेन्ट उत्पादन गर्न सक्षम भएको बताउँदै सगरमाथा सिमेन्ट दिनप्रतिदिन लोकप्रिय बन्दै गइरहेको दाबी गरे ।
सिप्रदी ट्रेडिङ प्रालिको डिलरमिट
सिप्रदी ट्रेडिङ प्रालि एक्साइड डिभिजनले डिलर मिट कार्यक्रम आयोजना गरेको छ । कार्यक्रममा एक्साइड ब्याट्री धेरै बिक्री गर्ने डिलरलाई पुरस्कृतसमेत गरिएको कम्पनीले जनाएको छ । अटोमोटिभ, इन्भर्टर र मोटरसाइकल विधामा प्लाटिनियम, गोल्ड, सिल्भर पर्फमेन्स अवार्डबाट सम्मानित गरिएको कम्पनीले जनाएको छ ।
कार्यक्रममा एक्साइड ब्याट्रीसँग १६ वर्षदेखि सहकार्य गर्दै आएको अभिषेक इन्टरप्राइजेज राजविराजलाई पनि सम्मानपत्र वितरण गरिएको एक्साइड डिभिजनका सञ्चालन महाप्रबन्धक सुरेशकुमार तिवारीले बताए ।
सुनाँचादी कला व्यवसायीको नयाँ कार्यसमिति
नेपाल सुनचाँदी कला व्यवसायी संघको अध्यक्षमा द्वारिका विश्वकर्मा निर्वाचित भएका छन् । संघको शनिबार सम्पन्न महाधिवेशनले उनलाई अध्यक्षमा निर्वाचित गरेको हो । संघको प्रथम उपाध्यक्षमा केशर सेन्चुरी र द्वितीय उपाध्यक्षमा घनश्याम रिजाल निर्वाचित भएका छन् ।
त्यस्तै महासचिवमा विष्णुभक्त बराइली, सचिवमा सानुबाबु बराइली, कोषाध्यक्षमा श्यामकुमार विश्वकर्मा र सहकोषाध्यक्षमा प्रकाश घतानी निर्वाचित भएको संघले जनाएको छ । सदस्यमा तीर्थबहादुर लकाई, आकाश विश्वकर्मा, गणेशकुमार रसाइली, अविनाश विश्वकर्मा, प्रेमबहादुर विश्वकर्मा, सुमन राज श्रेष्ठ, सूर्यकुमार लकान्द्री र बालकुमार दर्नाललाई निर्वाचित गरेको छ ।
महाधिवेशन उद्घाटन गर्दै उपराष्ट्रपति नन्दबहादुर पुनले सुनचाँदीको क्षेत्रमा देखिएका समस्या हटाउन सरकार र व्यवसायी दुवै उत्तिकै जिम्मेवार हुनुपर्ने बताए । नवनिर्वाचित अध्यक्ष विश्वकर्माले व्यावसायिक हकहितका लागि काम गर्ने बताए ।
पुल्चोक क्याम्पसमा आईसीटी सेन्टर
पुल्चोक क्याम्पसको इन्स्टिच्युट अफ इन्जिनियरिङमा आईसीटी सेन्टर सञ्चालनमा आएको छ । कोरियन सरकारको सहयोगमा सञ्चालनमा आएको उक्त सेन्टरको उद्घाटन राष्ट्रपति विद्यादेवी भण्डारीले गरिन् ।
कार्यक्रममा दक्षिण कोरियाका राजदूत चो योङ जिन, शिक्षामन्त्री धनीराम पौडेल पनि उपस्थित थिए । नेपालमा आईसीटी क्षेत्रमा क्षमता विकासका साथै गुणस्तरीय आईसीटी शिक्षामा विद्यार्थीको पहुँच पुर्याउने उद्देश्यले सेन्टर सञ्चालन भएको हो ।
त्रिभुवन विश्वविद्यालयअन्तर्गत इन्स्टिच्युट अफ इन्जिनियरिङको मातहतमा सञ्चालनमा रहने यो सेन्टर पूर्ण प्रविधियुक्त छ । यसको निर्माणमा दक्षिण कोरियाले ५० लाख रुपैयाँ सहयोग गरेको छ ।
प्रतिक्रिया दिनुहोस !
