इलाकाको आधारमा स्थानीय तहको पुर्नसंरचना गर्ने मन्त्रिपरिषद्को निर्णय
काठमाडौँ: मन्त्रिपरिषद् बैठकले स्थानीय तह पुर्नसंरचनाको मापदण्ड संशोधन गर्दै इलाकालाई मुख्य आधार बनाउने निर्णय गरेको छ ।
मंगलबार साँझ बसेको मन्त्रिपरिषद् बैठकले आइतबार प्रमुख दलका शीर्ष नेतासँग भएको सहमति अनुसार स्थानीय तह पुर्नसंरचनामा इलाकालाई आधार मानेर अगाडि बढ्ने निर्णय गरेको हो । मंगलबारको निर्णय अनुसार सरकारले स्थानीय तह पुनरसंरचना आयोगलाई थप कार्यदेश दिएको छ ।
बैठकका निर्णयबारे जानकारी दिदै भौतिक पूर्वाधार तथा यातायात मन्त्री रमेश लेखकले भने, ‘बैठकले पुराना इलाकालाई आधार मानेर स्थानीय तहको पुर्नसंरचना गर्न आयोगलाई थप कार्यदेश दिने निर्णय गरेको छ ।’
मन्त्री लेखकका अनुसार पुराना इलाका नगरपालिकामा गाभिएका भए त्यस्ता इलाकामा थप गाविस समेटेर नगरपालिकामा राख्ने निर्णय भएको जानकारी दिए । ‘अबका अतिरिक्त स्थानीय आवश्यकता, सघनता र अनुकूलता हेरेर आयोगले थप निर्णय लिन सक्नेछ,’ मन्त्री लेखकले भने ।
पूर्वगृहमन्त्री दुर्घटनाको छानबिनका लागि आयोग गठन
मन्त्रिपरिषद् बैठकले पूर्व गृहमन्त्री माधवप्रसाद घिमिरेको दुर्घटना र धादिङमा भएको बस दुर्घटनाबारे छानबिन गर्न आयोग गठन गरेको छ ।
सरकारले पूर्व महानिरीक्षक कुवेर रानाको नेतृत्वमा पाँच सदस्यीय आयोग गठन गरेको हो । आयोगलाई घटनाको छानविन गरी प्रतिवेदन पेश गर्न र सडक दुर्घटना रोक्ने दीर्घकालीन उपायबारे सुझाव पेश गर्न निर्देशन दिइएको छ ।
प्रतिक्रिया दिनुहोस !
