विदेश

भारतलाई पाकिस्तानले भन्योः आफ्नो भूमिको रक्षाका लागि हामी तयार छौँ

असोज १३, २०७३ बिहीबार १४:४७:०

एजेन्सीः भारतीय सैनिकले सीमा क्षेत्रमा आक्रमण गरेपछि पाकिस्तानी प्रधानमन्त्री नवाज शरीफले त्यसको कडा शब्दमा निन्दा गरेकाा छन् ।
अघिल्लो साता भारत प्रशासित कश्मीरस्थित उरीको सैनिक अखाडामा भएको आतंकवादी हमलापश्चात भारतले बिहीबार राती पाकिस्तानी सीमाक्षेत्रमा गोली चलाउदा दुई पाकिस्तानी सैनिक मारिएका छन् ।

पाकिस्तानी सेनाका अनुसार बिहीबार बिहानको राती २ः३० देखि ८ बजेसम्म भारत–पाकिस्तान सीमामा दोहोरो गोली हानाहान भएको हो ।
रेडियो पाकिस्तानका अनुसार प्रधानमन्त्री शरीफले आक्रमणको घोर भत्सर्ना गर्दै भनेका छन्, ‘हाम्रो मनशाय शान्ति हो, त्यसलाई कमजोर नठानियोस् ।’

शरीफले भारतको आक्रमणलाई खुला अत्याचारको संज्ञा दिएका छन् । उनले भनेका छन्, ‘हामी भारतको खुला अत्याचारको कडा शब्दले निन्दा गर्छौँ ।’

उनले आक्रमणमा मारिएका सैनिकलाई श्रद्धाञ्जलि दिदैँ आफ्नो भूमिको रक्षाका लागि पाकिस्तान सदैव तयार रहेको समेत बताएका छन् । शरीफले भनेका छन्, ‘आफ्नो भूमिको रक्षाका लागि पाकिस्तानी सेना सदैव तयार छ ।’

पाकिस्तानी सैनिक अधिकारीले भने भारतले पाकिस्तानमा ‘सर्जिकल स्ट्राइक्स’ नगरेको बताएका छन् । पाकिस्तानले दोहोरो फायरिङ भएको भए पनि भारतले ‘सर्जिकल स्ट्राइक’को गलत प्रचार गरिएको दाबी पाकिस्तानी सैन्य अधिकारीको छ ।

दुई पाकिस्तानी सेना मारिएपछि भारतीय सञ्चार माध्ययमले यसलाई प्रमुख प्राथमिकता दिएका छन् । पत्रकार सम्मेलन गरेर भारतीय सेनाका लेफ्टिनेन्ट जनरल रणवीर सिंहले दोहोरो गोली हानाहानमा दुई सैनिक मारिएको पुष्टि गरिसकेका छन् ।

भारतीय नेताहरुले समेत ट्वीटर मार्फत् पाकिस्तानलाई चेतावनी दिएका छन् । नयाँ दिल्लीका मुख्यमन्त्री अरबीन्द केजरिवालले ट्वीट गर्दै पूरा देश भारतीय सेनाको साथमा रहेको उल्लेख गरेका छन् ।

भारत माता की जय। पूरा देश भारतीय सेना के साथ है