छोरी बलात्कार गर्ने बाबुको प्रयास, आमा र भाइले जोगाए

वीरगन्ज : वीरगन्जमा एक जना किशोरीलाई उनका आफनै बाबुले बलात्कारको प्रयास गरेको खुलासा भएको छ।

वीरगन्ज उपमहानगरपालिका वडा नम्बर १ बजार छपकैयामा घर भइ हाल वीरगन्ज उपमहानगरपालिका वडा नम्बर १५ मा डेरा लिएर बस्दै आएका ४२ वर्षिय एक व्याक्तिले आफनै १५ वर्षिया छोरीलाइ बलात्कार गर्ने प्रयास गरेका हुन् ।

गत असोज ३ गते रासत ११ बजे डेरा घरको कोठामा सुतेका बेला किशोरीलाइ उनका बुबाले बलात्कार गर्ने प्रयास गरेको प्रहरीले जनाएको छ । एउटै कोठामा किशोरी , उनकी आमा र भाइ सुतेका थिए । मदिराको नशामा रहेका ती व्याक्तिले सुतेकी छोरीको लुगा खोलेर जबरजस्ती गर्ने क्रमम किशोरीले होहल्ला गरेपछि उनकी आमा र भाइले बलात्कार हुनबाट जोगाएको पर्साका प्रहरी उपरिक्षक राजुबाबु श्रेष्ठले बताए।

घटना भएको भोलिपल्ट असोज ४ गते साँझ मात्र पिडित किशोरी र उनकी आमाले उजुरी दिएपछि आरोपित व्याक्तिलाइ पक्राउ गरिएको प्रहरी उपरिक्षक श्रेष्ठले जानकारी दिए ।
पक्राउ परेका आरोपित व्याक्तिलाइ जिल्ल प्रहरी कार्यालय पर्साको हिरासतमा राखेर जबरजस्ती करणी उद्योग ऐन अन्तर्गत मुद्धा चलाइएको प्रहरी उपरिक्षक श्रेष्ठले बताए ।