सर्वोत्कृष्ट अन्नपूर्णकर्मी सम्मानित
काठमाडौँः अन्नपूर्ण पोस्ट राष्ट्रिय दैनिकले सर्वोत्कृष्ट पत्रकार र कर्मचारीलाई सम्मान गरेको छ।
शनिबार एपी वान टेलिभिजन, अन्नपूर्ण टुडे म्यागजिन र अन्नपूर्णको अंग्रेजी अनलाइन संस्करण शुभारम्भ समारोहमा सर्वोत्कृष्ट पत्रकार र कर्मचारी गरी ६ जनालाई सम्मान गरिएको हो।
‘सर्वोत्कृष्ट काटुनिस्ट सम्मान’बाट बासु क्षितिज सम्मानित भए भने ‘सर्वोत्कृष्ट पत्रकार’ सम्मानबाट बरिष्ठ उपसम्पादक राजेश बर्मा, जिल्ला संवाददाता मनिका झा र शिवप्रसाद उप्रेती सम्मानित भएका छन्।
कर्मचारीतर्फ वितरण शाखाका रमेश घोरासइनी र रामचन्द्र कार्कीले ‘सर्वोत्कृष्ट कर्मचारी’ सम्मान प्राप्त गरे।
सम्मानित पत्रकार र कर्मचारीलाई नगद २५ हजाररुपैया र प्रमाणपत्र प्रदान गरियो। पत्रकार र कर्मचारीलाई पूर्वप्रधानमन्त्री केपी शर्मा ओली र अन्नपूर्ण मिडिया नेटवर्कका अध्यक्ष रामेश्वर थापाले सम्मान गरेका थिए।
प्रतिक्रिया दिनुहोस !
